Saray Huis 21:4 - Maung A Balita Biblia

⁴ Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

Maung a Balita Biblia

⁴ Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

Saray Huis 21:4 Iomraidhean Croise

2 Samuel 24:18

Diad saman met lamlamang ya agew linmay Gad ed kinen David tan kuantod sikato, “Lakad panagilikan nen Arauna ta manggawa kad may altar a para Katawan.”

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

1 Saray Arari 8:64

Diad saman met ya agew insaklang met nen Solomon ed Katawan so pegley a parti na patio a walad arap na Timplo, insan angisaklang diman na saray bagat a popoolan, saray bagat a trigo, tan say taba na saray bagat a para kareenan. Dia to ra insaklang ta say gansan altar et melag a pangisaklangan ed sarayan bagat.

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

Saray Huis 21:3

“Katawan a Dios na Israel, akin et agaway onya? Akin et ngalngali naandipat ed Israel so tribu nen Benjamin?”

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Saray Huis 6:26

Diad sayan pokdul mangipaalagey ka na malet ya altar a para Katawan a Dios mo. Insan mo alaen imay kumadwan baka tan isaklang mon bagat a popoolan; say pamparlang mo samay itumbam a tanda nen diosan Asera.”

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.