Saray Huis 2:18 - Maung A Balita Biblia

¹⁸ Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

Maung a Balita Biblia

¹⁸ Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

Saray Huis 2:18 Iomraidhean Croise

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

2 Saray Arari 13:4

Insan nampikasid Katawan si Joacaz, et inebatan na Katawan so pikakasi to, lapud pakanenengneng tod ontan lan pamapairap na ari na Siria ed saray Israelita.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 90:13

Katawan, kapigan so itonday pasnuk mo? Kasian mo kami pan aripen mo!

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Saray Huis 11:32

Kanyan binaliw nen Jefte so ilog, ta labanan to ray Ammonita, et impanalo na Katawan.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

Saray Huis 3:9

Insan tinmawag ed Katawan iray Israelita, et angibaki na sakey a lakin angilaban ed sikara. Sayan laki et si Otniel ya anak nen Kenaz a yogtan nen Caleb.

Saray Huis 6:12

Pinmanengneng ed sikatod man so anghil na Katawan tan kuanto, “Walad sika so Katawan, sika a masebeg tan makapanyarin too!”

Saray Huis 6:16

Inmebat so Katawan, “Nayarian mon gawaen so pagagawak ed sika, ta tulongan ta ka tan mainomay mon kabilen iray Madianita; singa ka mangakabil na saksakey a too.”