Saray Huis 2:1 - Maung A Balita Biblia

¹ Manlapud Gilgal say anghil na Katawan linmad Bokim tan kuantod saray Israelita, “Impaway ta kayod Egipto tan inyakar ta kayod dalin ya insipan kod saray atateng yo. Inkuanko, ‘Ag kon balut deralen so impisipanan kod sikayo.

Maung a Balita Biblia

¹ Manlapud Gilgal say anghil na Katawan linmad Bokim tan kuantod saray Israelita, Impaway ta kayod Egipto tan inyakar ta kayod dalin ya insipan kod saray atateng yo. Inkuanko, Ag kon balut deralen so impisipanan kod sikayo.

Saray Huis 2:1 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

Saray Salmo 89:34

Ag ko deraley impisipanan kod sikato, tan ag ko bawien so anggan sakey ya insipan kod sikato.

Exodo 14:14

Say Katawan so mibakal a para sikayo; mandeen labat so nepeg yon gawaen.”

Exodo 14:19

Say anghil na Dios a gendat a manaayam ed bandad arap na saray sondalo na Israel et inmalis a nanayam ed bandad beneg da. Samay lusek a lorem et inmalis met

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 23:20

“Mangibaki ak na sakey ya anghil ya onona nen say sikayo, ta iyagel to kayo legan na pambiahi yo tan iyakar to kayo ed pasen ya imparaan ko.

Exodo 33:14

Say Katawan kuanto, “Mila ak ed sikayo, tan panaloen ta kayo.”

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 14:21

Nunot mo pa ray sipan mo, tan ag mo kami pa babalawaen; ag mo pa ipepelag ed kababaingan so Jerusalem say pasen a kawalaay mapagalang a tronom. Sumpal mo pa may impisipanan mod sikami, tan ag mo pa dederalen.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Levitico 26:44

Balet anggaman ontan, no wala ni rad dalin na saray kalaban da, ag ko ra sigput ya ikaindan, ni deralen. Ta no sigput ko ran ikaindan mangangga so impisipanan kod sikara, et siak so Katawan a Dios da.

Zacarias 11:10

Insan ko inala may bastun a tatawagen na “Panangasi” tan pinoter ko a pamaandik ed impisipanan na Katawan ed amin da ray bansa.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.

Saray Huis 13:2

Diad saman a panaon walay sakey a lakin manngaran na Manoa a taga baley na Zora tan kabyangay tribu nen Dan. Ag mananak so asawa to, ta lepes.

Saray Huis 13:3

Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.

Saray Huis 2:5

kanyan atawag iman a pasen a Bokim. Angisaklang irad man na bagat ed Katawan.

Saray Huis 6:8

Angibakid sikara so Katawan a Dios na Israel na sakey a propita tan impaikuantod sikara: “Impaway ta kayod inkaaripen ed Egipto.