Saray Huis 19:3 - Maung A Balita Biblia

³ Insan samay laki ginetma to a tombuken, ta koyungen ton ompawil ed sikato. Intagar toy aripen to tan kaiba toy duaran asno. Pinaloob na samay bii imay Levita ed abung nen ama to; nen anengneng na samay ama imay Levita, malikeliket ton inawat.

Maung a Balita Biblia

³ Insan samay laki ginetma to a tombuken, ta koyungen ton ompawil ed sikato. Intagar toy aripen to tan kaiba toy duaran asno. Pinaloob na samay bii imay Levita ed abung nen ama to; nen anengneng na samay ama imay Levita, malikeliket ton inawat.

Saray Huis 19:3 Iomraidhean Croise

Genesis 34:3

Balet nen naimano ton magangganan tuloy si Dina, sinmabiy baleg a panibeg tod sikato tan kinokoyung to.

Genesis 50:21

Anggapoy nepeg yon takotan. Asikasoen ta kayo tan saray anak yo.” Onya so impamabiskeg toy linawa ra tan impanligliwa tod sikara.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Oseas 2:14

Kanyan iyakar ko lamet ed kalawakan yan bii; diman ko pandaleman na panangarok pian napapawil kod siak.

Oseas 2:16

Diad satan tawagen to ak lamet ya asawa to—ag to ak la tawagen a Baal to.

Levitico 19:17

“Ag yo bobosulen so siopaman a too, no ag ingen mipulangan kayod sikato, pian ag kayo mankasalanan lapud sikato.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Saray Bilang 22:22

Akapasnuk so Dios ta mimilay Balaam ed saramay pangulo. Nen mangabkabayo si Balaam ed asno to a kaolup na duaran aripen to, nanalagey ed dalan so anghil na Katawan ta sinaraan to so dalan nen Balaam.

Mateo 1:19

Matonung a too si Jose a kasipan nen Maria, kanyan ag to labay a nasabyay kababaingan si Maria. Ninunot to sirin ya isian ya anggapoy makaamta.

Juan 8:11

“Anggapo, Katawan,” kuanto may bii. Inkuanen Jesus, “Ag ta ka met dusaen. Nayarian mo lay onsempet. Ag ka lan balut sirin mankakasalanan.”]

TAGA GALACIA 6:1

Agagi, no walad sikayoy naplag ed kasalanan, sikayon iwawanwan na Ispiritu so mangagwat ed sikato. Maamuyot a gawaen yo ya, tan manasikaso kayon maung, ta ompan sikayoy natukso met.

Saray Huis 15:1

Ag abayag kayariy bansal, nen panaganiy trigo, binmisitay Samson ed kinen asawa to tan inawitan to na kilaw na kanding. Inkuantod kinen katolangan ton laki, “Looban kod kuarto si asawak.” Balet ag to palooben si Samson.

Saray Huis 19:2

Balet akapasnuk ed sikato imay bii, amawil ed kinen ama to ed Betlehem, tan nanayam diman ya apat bulan.

Saray Huis 19:26

Sinmabid palbangon imay bii tan aloknut lad puirta na abung na samay masiken ya akipunduan na asawa to. Wadman ni ya anggad maliwawa la.

Saray Huis 19:4

Pinilit na samay ama a manayam nid man imay Levita, kanyan nanayam diman a taloy agew. Nanaakan tan inmoogip irad man.