Saray Huis 18:9 - Maung A Balita Biblia

⁹ “Sigi sirin,” ebat da ra may limara, “dogpaan tayo so Lais. Anengneng mi man a dalin, tan agaylay abig to. Ag kayo dia manaayam ya anggapoy gagawaen. Ganatan tayo so onla tan samsamen tayo man a dalin!

Maung a Balita Biblia

⁹ Sigi sirin, ebat da ra may limara, dogpaan tayo so Lais. Anengneng mi man a dalin, tan agaylay abig to. Ag kayo dia manaayam ya anggapoy gagawaen. Ganatan tayo so onla tan samsamen tayo man a dalin!

Saray Huis 18:9 Iomraidhean Croise

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

1 Saray Arari 22:23

Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika.”

1 Saray Arari 22:3

Tinepet nen Acab ed saray opisyal to, “Amta yo a kayaryan tayoy Ramot-Galaad. Akin balet et ag tayo babawien ed ari na Siria?”

Saray Bilang 13:30

Si Caleb pinareen to ray totoon manririklamo ed kinen Moises tan kuanto, “Dogpaan ti la natan iman a dalin tan dakepen tayo la; sarasarag tayon looban tan dakepen.”

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Josue 18:3

Kanyan inkuanen Josue ed saray totood Israel, “Kapigan niy iloob yon pangala ed dalin ya inter ed sikayo na Katawan a Dios na saray lalaki yo?

Saray Huis 18:10

No makakar kayod man naimano yo ya anggapoy isisip dan dogpaan ira na anggan siopa. Maawang iman a bansa, tan walan amiy nakaukolan na saray totoo. Inter na Dios iman a dalin ed sikayo.”

Saray Huis 18:8

Nen pinmawil ed Zora tan Estaol ira may limaran lalaki, tinepet ed sikara na saray kabaleyan da no antoy arumog da.

1 Samuel 4:9

Mampabiskeg kayoy linawa, sikayo ran Filisteo! Milaban kayon singa tuan lalaki, ta no andi, magmaliw itayon aripen na saray Hebreo, a singa impangaripen tayod sikara. Kanyan milaban kayon singa tuan lalaki!”