Saray Huis 17:5 - Maung A Balita Biblia

⁵ Si Micaya et walay pasen ton dili a panangigalangan. Nanggawa na saray pigaran talintao tan sakey ya ipod, tan tinoro ton sakey a pari so sakey ed saray anak ton lalaki.

Maung a Balita Biblia

⁵ Si Micaya et walay pasen ton dili a panangigalangan. Nanggawa na saray pigaran talintao tan sakey ya ipod, tan tinoro ton sakey a pari so sakey ed saray anak ton lalaki.

Saray Huis 17:5 Iomraidhean Croise

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

1 Saray Arari 12:31

Nanggawa met ed saray toktok na pokdul na saray pasen a panangigalangan, tan anoro na saray papari diad saray pamilya ya aliwa ran kabyangan na tribu nen Levi.

1 Saray Arari 12:32

Ginawa nen Jeroboam a sakey a pista so kumalabinliman agew na kumawalon bulan, kaparay agew a sisilibraan ed Juda. Diad tapew na altar diad Betel nambabagat ed saray bakan balituk a ginawa to, tan angipasen ed Betel na saray papari a manlingkur ed altar a ginawa to.

Esdras 1:7

Inter nen Impirador Ciro ed sikara iray yaung tan saray kupa ya inaala nen Ari Nabucodonosor ed timplo na Jerusalem tan iniiyan to ra ed timplo na saray diriyos to.

Exodo 24:5

Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan.

Exodo 28:15

“Manggawa ka na babalin apis na pagew na Pangulon Pari, ta ikana tod pangamta na linaway Dios. Ikanam iray singa saray inkanam ed impanggawam na ipod: balituk, asul, purpura, tan ambalangan tinebey, tan pinon linen.

Exodo 28:4

Ibagam ed sikara a manggawa ray sakey ya apis na pagew, sakey ya ipod, sakey ya andokey a kawes, sakey a binordaan a kawes ya antikey so taklay to, sakey a turban, tan sakey ya abel a balabal. Nepeg dan gawaen ira yan kawes na pari a para si agim ya Aaron tan saray lalakin anak to, ta sikaray manlingkur a papari ed siak.

Exodo 29:9

balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Isaias 44:13

Sokaten na iskotur so sakey a poter na tibokel a kiew. Igolis to na tisa ed samay kiew iray nepeg ton gawaen. Kitikitan tod satan na saray kagawaan to, gawaen ton sakey a kaparpara na sakey a guapon laki, ta ilira tod dalem na abung to.

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Ezekiel 21:26

Siak a Katawan a Dios so nansalita. Ekal moy koronam tan say turban mo. Naoman ya amiy bengatla. Itagey mod pakayari iray mairap-bilay! Iyabebam ed kipapasen iray manoley!

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Saray Bilang 3:10

Torom si Aaron tan saray anak ton lalaki a manggawa na saray susumpalen na pari; likud ed sikara pateyen so siopaman a manggawa na susumpalen na pari.”

Saray Hebreo 5:4

Anggapoy siopaman a makapangikawes ed sikaton dili na kagalangay Pangulon Pari. Say Dios a dili so mamilid sikato, a singa inkapili nen Aaron.

Saray Huis 17:4

Insan impawil nen Micaya ed kinen ina to imay kuarta. Inala nen ina to so duan lasus a pilak, insan to inter ed sakey a platiro. Nanggawa may platiro na sakey a talintaon kiew tan inokupan to na pilak. Nipasen ed abung nen Micaya imay agawan talintao.

Saray Huis 18:14

Insan saramay limaran nibaki a mannengneng ed dalin a kaliber-liber na Lais kuandad saray kakaiba ra. “Diad sakey ed saray abung dia walay kiew a talintaon naokupan na pilak. Wala met iray arum a talintao tan walay sakey ya ipod. Antoy kuanyon gawaen tayo?”

Saray Huis 18:24

Inmebat si Micaya, “Imbatik yoy parik tan saray diriyos a ginagawak; anto niy akeraan ed siak? Insan natan tepeten yo no antoy agawa?”

Saray Huis 18:30

Inlira na saramay kabyangay tribu nen Dan imay talintao a galangen da, et si Jonatan a lakin anak nen Gersom tan apo nen Moises so pari na saray kabyangay tribu nen Dan tan saray kabyangay boleg nen Jonatan so pari ra ya anggad nibantak ed arum a bansa iray totoo.

Saray Huis 8:27

Ginawa nen Gedeon a talintao imay balituk, insan to inyan ed baley ton Ofra. Imbeneg na amin da ray Israelita so Dios tan linma rad man ya angigalang ed samay talintao. Sakey iman a patit ed kinen Gedeon tan say pamilya to.

1 Samuel 19:13

Inala nen Micol so talintaoy dios a para abung, imparokul tod katri, inyan tod olowan to so danganan a bagoy karniro, tan sinakbungan toy abel.

1 Samuel 23:6

Nen si Abiatar a lakin anak nen Ahimelec et akabatik tan akikasakey ed kinen David ed Keila, inawit toy ipod.