Saray Huis 17:3 - Maung A Balita Biblia

³ Impawil nen Micaya imay kuarta, insan inkuanen ina to, “Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.”

Maung a Balita Biblia

³ Impawil nen Micaya imay kuarta, insan inkuanen ina to, Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.

Saray Huis 17:3 Iomraidhean Croise

2 Saray Awaran 33:7

Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Exodo 34:17

“Ag kayo manggagawa na inmoldoran diriyos a galangen yo.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Levitico 19:4

“Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Saray Huis 17:13

Inkuanen Micaya, “Natan ta walay Levitan parik, amtak la a paaligwasen ak na Katawan.”

Saray Huis 17:2

Inkuantod ina to, “Nen walay anakew na sanlibo tan sanlasus a kuartan pilak yo, insamba yo may anakew. Nadngel kon ginawa yo man a samba. Walad siak iman so kuarta. Siak so angala.” Inkuanen ina to, “Bindisionan ka komun na Katawan, anak ko!”

Saray Huis 17:4

Insan impawil nen Micaya ed kinen ina to imay kuarta. Inala nen ina to so duan lasus a pilak, insan to inter ed sakey a platiro. Nanggawa may platiro na sakey a talintaon kiew tan inokupan to na pilak. Nipasen ed abung nen Micaya imay agawan talintao.

Saray Huis 18:30

Inlira na saramay kabyangay tribu nen Dan imay talintao a galangen da, et si Jonatan a lakin anak nen Gersom tan apo nen Moises so pari na saray kabyangay tribu nen Dan tan saray kabyangay boleg nen Jonatan so pari ra ya anggad nibantak ed arum a bansa iray totoo.

Saray Huis 18:5

Inkuandad sikato, “Tepet mo pad Dios no maaligwas kami ed sayan kurang mi.”