Saray Huis 17:2 - Maung A Balita Biblia

² Inkuantod ina to, “Nen walay anakew na sanlibo tan sanlasus a kuartan pilak yo, insamba yo may anakew. Nadngel kon ginawa yo man a samba. Walad siak iman so kuarta. Siak so angala.” Inkuanen ina to, “Bindisionan ka komun na Katawan, anak ko!”

Maung a Balita Biblia

² Inkuantod ina to, Nen walay anakew na sanlibo tan sanlasus a kuartan pilak yo, insamba yo may anakew. Nadngel kon ginawa yo man a samba. Walad siak iman so kuarta. Siak so angala. Inkuanen ina to, Bindisionan ka komun na Katawan, anak ko!

Saray Huis 17:2 Iomraidhean Croise

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Probirbio 28:24

Siopamay mannununot ya aliwan kasalanan so pantakew ed saray ateng et anggapoy pidomaan tod saray peteg a matakew a totoo.

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Mateo 26:74

Balet nansamba lamet si Pedro a kuanto, “Nitay Dios, anggan dusaen to ak no mantitila ak. Talagan ag ko kabat itan a too!” Diad saman a bekta, kinmukaok so sakey a lalung.

Saray Taga Roma 9:3

Lapud sikara, labalabay ko lay anggan nisamba na Dios tan nisian ed Cristo.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

Deuteronomio 27:16

“‘Napelag komun so samba na Dios ed siopaman ya ag to igalang so ama odino ina to.’ “Insan onebat iray amin a totoo, ‘Amen!’

2 Juan 1:11

Ta siopamay mangibabanod sikato, mibibiang ed maoges a gawa to.

Saray Huis 17:1

Nen saman walay sakey a lakin manngaran na Micaya a manaayam ed kapokdulan a dalin na Efraim.

Saray Huis 17:3

Impawil nen Micaya imay kuarta, insan inkuanen ina to, “Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.”

Saray Huis 5:23

“Isamba yoy dalin na Meroz,” kuay anghil na Katawan. “Isamba yo, isamba yo iray manaayam diman. Ag ira sinmabin ontulong ed Katawan, sinmabi ran sondalo a mibakal ed saray kalaban to.”

Ruth 3:10

Inkuanen Booz, “Bindisionan ka komuy Katawan. Say gagawaen mo natan et lalon mangipapanengneng na baleg ya inkatoor mod pamilya nen say ginagawam para katolangan mo, bangta ag ka angayat na lakin malangwer a mayaman o mairap-bilay a mangasawad sika.

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, “Nisamba so toon mangan ed sayan agew, kasakbayan a makabawi ak ed saray kalaban ko.” Kanyan anggapoy angan ya anggan sakey ed sanagew.

1 Samuel 14:28

Balet inkuan na sakey ed sikato, “Makapkapoy itayon amin ed eras, balet pinatakot itayo nen amam tan kuanto, ‘Nisamba so toon mangan ed sayan agew.’”

1 Samuel 15:13

Linmay Samuel ed kinen Saul tan angilugay ed sikato, “Bindisionan kay Katawan. Samuel! Inonur koy ganggan to.”

1 Samuel 23:21

Inmebat si Saul, “Bindisionan kayo komun na Katawan lapud mapangasi kayod siak!

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.