Saray Huis 16:6 - Maung A Balita Biblia

⁶ Kanyan inkuanen Delila ed kinen Samson, “Ibagam pad siak no akin et mabisbiskeg ka. No walay malabay a mamalur ed sika tan pagmaliwen to kan anggapoy nagawaan, antoy gawaen to?”

Maung a Balita Biblia

⁶ Kanyan inkuanen Delila ed kinen Samson, Ibagam pad siak no akin et mabisbiskeg ka. No walay malabay a mamalur ed sika tan pagmaliwen to kan anggapoy nagawaan, antoy gawaen to?

Saray Huis 16:6 Iomraidhean Croise

Nehemias 6:4

Amipat da ak a nampabakian, balet nampara so inebat kod sikara.

Saray Salmo 12:2

Mantitilaan la ray totoo; manlolokowan tan mampapalikdowan ira.

Probirbio 22:14

Say pikakaloguran et sakey a patit—eerelen to ray pamapasnukan na Katawan.

Probirbio 26:28

Saray totoon matila kabosul day titilaan da. Deral so iiter na saray salitan makapalikdo.

Probirbio 6:26

Say sakey a laki nayarin nabayaran to na sakey a pan di bara so sakey a marotak a bii, balet diad pikakaloguran naalan amin so kayaryan to.

Probirbio 7:21

Atukso tod limgas to tan atanggoyur tod panamegley na malamlamuyot a panagsalita to.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Saray Huis 14:17

Nanakis imay bii ya anggad kumapiton agew na ponsia. Balet diad kumapiton agew imbaga nen Samson ed kinen asawa to so ebat na samay pabitla, ta sinmawa lad panetepet lan panetepet na asawa to. Insan imbaga na samay asawa to so ebat ed saramay Filisteo.

Saray Huis 16:5

Linmad samay bii iray limaran arari na saray Filisteo tan kuanda, “Tanggoyur moy Samson ya ibaga tod sika no akin et mabisbiskeg tan no panon min natalo, nabalur, tan napagmaliw min anggapo lay nagawaan to. Balang sakey ed sikami et itdan mi kad satan na sanlibo tan sanlasus a kuartan pilak.”

Saray Huis 16:7

Inmebat si Samson, “No baluren da ak na pitoran balon lobir na pana ya ag ira impamaga, magmaliw a singa biskeg na arum a too so biskeg ko.”