Saray Huis 16:2 - Maung A Balita Biblia

² Akabatan na saray totood Gaza a wadmay Samson, kanyan niliktub da may pasen tan sanlabi ran inalagar ed puirta na siudad. Mareereen iran sanlabi tan ninunot dad sikaran dili, “Manalagar itayo dia ya anggad kabwasan, insan tayo pateyen.”

Maung a Balita Biblia

² Akabatan na saray totood Gaza a wadmay Samson, kanyan niliktub da may pasen tan sanlabi ran inalagar ed puirta na siudad. Mareereen iran sanlabi tan ninunot dad sikaran dili, Manalagar itayo dia ya anggad kabwasan, insan tayo pateyen.

Saray Huis 16:2 Iomraidhean Croise

Mateo 21:38

Kanengneng balet na saramay kasamak ed samay anak, nantotongtong ira. Inkuanda, ‘Nitan lay mananawir na kaubasan. Pateyen tayo, pian kayaryan ti lay kaubasan!’

Mateo 27:1

Kasabiy kabwasan, nantotongtongan na amin a manonan papari tan saray mamatakken na baley no panoy pamatey dad kinen Jesus.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Saray Gawgawa 23:15

Kanyan sikayo tan say Sanidrin, kerew yod kapitan ya ibaki tod sikayo si Pablo. Ibaraan yo a labay yo nin tepetan a maung na nipaakar ed sikaton dili. Balet sipaparaan kamin mamatey ed sikato, kasakbayan a makasabi dia.”

Saray Gawgawa 9:24

balet akabatan to man a getma ra. Labi-agew dan binantayan so puirtay siudad, pian napatey da.

Saray Huis 15:18

Insan napnapgaan si Samson, kanyan tinmawag ed Katawan tan kuanto, “Impanalo mo ak na baleg; natan ompatey ak, lapud inkapgaan tan, lapud nadakep ak na sarayan paganon Filisteo?”

Saray Huis 16:3

Balet anggad pegley labi labat ed dokulan si Samson, insan la binmangon. Inegnaan to may puirta na siudad, binagut to ya akila ray lusek, kaput, balewet tan amin a parti to. Sinakbat to tan inawit to ya anggad toktok na pokdul a tantandagan toy Hebron.

1 Samuel 19:11

Diad saman a labi angibakiy Saul na pigaran totoo a mambantay na abung nen David tan mamatey ed sikato diad kaimbuas. Pinasakbayan nen Micol si David, “No ag ka ombatik ed sayan labi, ompatey ka nabwas.”

1 Samuel 23:26

Si Saul tan saray totoo to et wala rad sakey a dapag na pokdul, balet si David tan saray totoo to et wala rad biek a dapag to man a pokdul. Maganat dan ibabatikan si Saul tan saray totoo to, ta manasingger la rad sikara tan ngalngali la ra nadakep.