Saray Huis 15:5 - Maung A Balita Biblia

⁵ Insan dinangatan to ra may panagsilew tan imbobolus to rad kaalogan na trigo a kayaryan na saray Filisteo. Lapud saya ag to labat pinoolan iray naani, no ag ingen pati saray wala nid alog ya aaniyen. Apoolan met iray kaolibaan.

Maung a Balita Biblia

⁵ Insan dinangatan to ra may panagsilew tan imbobolus to rad kaalogan na trigo a kayaryan na saray Filisteo. Lapud saya ag to labat pinoolan iray naani, no ag ingen pati saray wala nid alog ya aaniyen. Apoolan met iray kaolibaan.

Saray Huis 15:5 Iomraidhean Croise

2 Samuel 14:30

Kanyan inkuantod saray aripen to, “Dengel kayo, kaabay na alog ko so alog nen Joab, tan walay tanem ton sibada. Laka yo, ta poolan yo.” Kanyan linma ra tan pinoolan da may alog.

Exodo 22:6

“No say sakey a too et mamool ed alog to tan onkayamkam so apoy ed alog na arum a too tan napoolan iray ontutubon tanaman diman odino saray pinalot a nisimbun diman, say angigapoy apoy et nepeg a bayaran toy adarak.

Exodo 23:11

Balet diad kumapiton taon pampainawa yoy dalin yo, tan ag yo aanien so bunga na ontubon tanaman. Nayarin kanen la na saray mairap-bilay so antokaman ya ontubod man, tan nayarin buagen la na saray ayayep ed katakelan so antokaman a natilak. Onya met so gawaen yo ed saray kaubasan yo tan saray kaolibaan yo.

Saray Huis 15:4

Kanyan linman nanerel na talon lasus ya asod katakelan. Sanderwa to ran sinisinger ed ikul tan diad namboknulan sinisingeran to ra na nipotan a panagsilew.

Saray Huis 15:6

Nen tinepet na saray Filisteo no siopay nanggawad saya, akabatan da a si Samson, lapud si katolangan ton taga Timna et inter tod kaaro nen Samson si asawa nen Samson. Kanyan saray Filisteo pinoolan dan mabilay imay bii tan pinoolan da met so abung nen ama to.