Saray Huis 14:5 - Maung A Balita Biblia

⁵ Kanyan linmad Timna si Samson, pati si ama tan ina to. Nen ondadalan irad man ed sakey a kaubasan, nadngel nen Samson so mangwam a malangwer a lion.

Maung a Balita Biblia

⁵ Kanyan linmad Timna si Samson, pati si ama tan ina to. Nen ondadalan irad man ed sakey a kaubasan, nadngel nen Samson so mangwam a malangwer a lion.

Saray Huis 14:5 Iomraidhean Croise

Saray Huis 14:4

Ag amta na saramay ateng nen Samson a say Katawan so mangiwawanwan ed sikato ed sayan gagawaen to, ta say Katawan et manaanap na pankanawnawan nalabanan to ray Filisteo. Diad sayan panaon ooleyan na saray Filisteo so Israel.

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Josue 15:10

a diman onsaliberber ed sagur na Baala a mamaarap ed nipokdul a dalin na Edom, insan ontuloy ed nibaybay a dapag na Palandey na Jearim (odino Kesalon), insan mampalasur ed Bet-semes tan ondalan ed Timna.

1 Samuel 17:35

osilan kon dogpaan, tan alaen ko may karnirod sangi to. No say lion o uso et poliktaran to ak a labanan, singkaten kod beklew tan pekpeken ko ya anggad ompatey.

2 Samuel 23:20

Say lakin anak nen Joiada a si Benaya a taga Cabseel et sakey met nin bantug a sondalo; wala ray ginagawa ton makapakebiew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

1 Saray Awaran 11:22

Say lakin anak nen Joiada a si Benaya a taga Cabseel et sakey a bantug a sondalo; wala ray ginagawa ton makapakebyew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.

Saray Salmo 91:13

Gatinan mo ray lion tan saray oleg, saray masesebeg a lion tan saray nanditan oleg.

Jeremias 2:15

Singa ra lion a nangwam ed sikato; makmaksil so pangwam da. Ginawa ran andi-kakanaan so dalin to; aderal-deral iray baley to, kanyan anggapo lay manaayam.

Saray Hebreo 11:33

Lapud pananisia, tinatalo da ray nanarian a nilalabanan da. Nanggagawa ray kamaungan, tan naawat da ray insipay Dios. Pinapakopit day sangi na lion,

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.