Saray Huis 13:5 - Maung A Balita Biblia

⁵ tan kapaway na anak mo ag mon balut popotutay buek to, lapud manlapud inkianak to sikatoy isaklang ed Dios a sakey a Nazareo. Igapo toy pangyagel tod saray Israelita ed lima da ray Filisteo.”

Maung a Balita Biblia

⁵ tan kapaway na anak mo ag mon balut popotutay buek to, lapud manlapud inkianak to sikatoy isaklang ed Dios a sakey a Nazareo. Igapo toy pangyagel tod saray Israelita ed lima da ray Filisteo.

Saray Huis 13:5 Iomraidhean Croise

2 Samuel 8:1

Ag abayag, dinogpaan lamet nen David iray Filisteo tan tinalo to ra, kanyan tinmonday pakaoley da ed saman a dalin.

1 Saray Awaran 18:1

Ag abayag, dinogpaan lamet nen David iray Filisteo tan tinalo to ra. Inekal tod pakaoley da so siudad na Gat tan saray kaliber-liber ton bario.

Amos 2:11

Pinilik a propita iray pigaran anak yon lalaki, tan pinilik met a Nazareo iray pigaran tobun-balon lalaki ed sikayo. Ag ta tua yan ibabagak, sikayo ran totood Israel? Siak, say Katawan, so nansalita.

Saray Bilang 6:5

Legan a sikatoy Nazareo, nepeg ya ag mampakatli odino mambalbas. Diad intiron panaon na inkisaklang tod Katawan nepeg a masanto, tan padokeyen toy buek tan balbas to.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

Saray Huis 16:17

kanyan imbaga toy tua, “Ag nin balut apotutan so buek ko,” inkuanto. “Nisaklang ak ed Dios a sakey a Nazareo nanlapu lad inkianak ko. No napotutan so buek ko, naandi so biskeg ko tan magmaliw a singa biskeg na arum a too so biskeg ko.”

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

1 Samuel 7:13

Atalo sirin iray Filisteo, tan ag inabuloyan na Katawan a makasakop irad dalin na Israel legan a nambilay si Samuel.