Saray Huis 13:3 - Maung A Balita Biblia

³ Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.

Maung a Balita Biblia

³ Pinmanengneng so anghil na Katawan ed asawa nen Manoa tan kuanto, Lepes ka, balet ag mabayag manlokun ka tan mananak kay sakey a laki.

Saray Huis 13:3 Iomraidhean Croise

Genesis 17:16

Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.”

Genesis 18:10

Inkuan na sakey ed sikara, “Siam bulan a manlapud natan, ompawil ak dia, et wala lad satan so lakin anak nen Sara.” Wadmay Sara ya onderengel ed biek na puirta a nibeneg nen Abraham.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

2 Saray Arari 4:16

insan inkuanen Eliseo ed sikato, “Diad onya ran agew ed arapen a taon manampopo kay sakey ya anak mon laki.” “Tua?” inkuanto, “Ag mo ak kari titilaan. Sakey kan too na Dios!”

Lucas 1:11

Pinmayawar ed sikatoy sakey ya anghil na Katawan a manalalagey ed nikawanan na altar a panagpoolay insinso.

Lucas 1:13

Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Saray Huis 13:10

et batik a tampol tan imbaga tod kinen asawa to, “Gala, Manoa! Samay toon dinmagod siak ed samay aminsan ya agew et pinmanengneng lamet ed siak.”

Saray Huis 13:15

Diad ag pikakabat nen Manoa ya anghil na Katawan so katongtong to, inkuantod sikato, “Ag ka ni onaalis. Ilutoan mi ka ni na kilaw na kanding.” Balet inkuan na samay anghil, “No ag ak ni ontaynan, ag ko kanen lamlamang so iparaan mon kanen. Balet no labay moy mamparaan, isaklang mo lan bagat a popoolan ed Katawan.”

Saray Huis 13:6

Insan samay bii linmad kinen asawa to tan kuanto, “Dinmagod siak so sakey a too na Dios, tan singa makapataktakot ya anghil na Dios so nengneng to. Ag ko tinepet ed sikato no taga iner, tan ag to imbagad siak so ngaran to.

Saray Huis 13:8

Insan nampikasi ed Katawan si Manoa, “Katawan, ipangasim a papawil mod sikami imay too na Dios, ta ibaga tod sikami no antoy nepeg min gawaen no kapaway na ogaw.”

Saray Huis 2:1

Manlapud Gilgal say anghil na Katawan linmad Bokim tan kuantod saray Israelita, “Impaway ta kayod Egipto tan inyakar ta kayod dalin ya insipan kod saray atateng yo. Inkuanko, ‘Ag kon balut deralen so impisipanan kod sikayo.

Saray Huis 6:14

Insan say Katawan ingganggan toy Gedeon, “Laka, ta ipakanam so biskeg tan pakayarim a mangiliktar ed saray Israelita ed pakayari na saray Madianita. Siak a dili so mangigaganggan ed sika.”

1 Samuel 1:20

Nanlokun sirin tan nananak na sakey a laki. Inngaran to na Samuel, ta inkuanto, “Kinerew ko ed Katawan.”