Saray Huis 11:8 - Maung A Balita Biblia

⁸ Inkuandad kinen Jefte, “Wadya kami natan ed sika, lapud labay mi kan milad sikami ta mibakal tayod saray Ammonita tan ipangulom iray amin a totood Galaad.”

Maung a Balita Biblia

⁸ Inkuandad kinen Jefte, Wadya kami natan ed sika, lapud labay mi kan milad sikami ta mibakal tayod saray Ammonita tan ipangulom iray amin a totood Galaad.

Saray Huis 11:8 Iomraidhean Croise

1 Saray Arari 13:6

Inkuanen Ari Jeroboam ed samay propita, “Ipikasi mo ak pa ed Katawan a Dios mo, tan kerew mon paabigen toy taklay ko.” Nampikasid Katawan imay propita, et inmabig so taklay na ari.

Exodo 10:17

Pirdona yo ak pan maminsan labat ni ed sayan kasalanan ko tan pikasi yod Katawan a Dios yo a paandien to lad siak yan makapatey a dusa.”

Exodo 8:28

Say ari kuanto, “Abuloyan ta kayon mangibagat ed Katawan a Dios yo diad kalawakan, dapot ag kayo oonlad arawdawi. Ipikasi mo ak.”

Exodo 8:8

Say ari impaawit to ra di Moises tan Aaron tan kuanto, “Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.”

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Saray Huis 10:18

Nantetepetan iray totood man tan saray pangulo na saray tribu na Israel, “Siopay mangipangulod sayan pibakal tayod saray Ammonita? Siopamay mangipangulo sikatoy magmaliw a pangulo na amin a totood Galaad.”

Saray Huis 11:9

Inkuanen Jefte ed sikara, “No pasempeten yo ak ta mibakal ak ed saray Ammonita, et panaloen ak na Katawan, siak so magmaliw a manoley yo.”