Saray Huis 11:12 - Maung A Balita Biblia

¹² Angibakiy Jefte na pigaran totoo ed ari na Ammon a mangikuan, “Antoy makasengeg na pilalaban mod siak? Akin et nilooban mon bakalen so bansak?”

Maung a Balita Biblia

¹² Angibakiy Jefte na pigaran totoo ed ari na Ammon a mangikuan, Antoy makasengeg na pilalaban mod siak? Akin et nilooban mon bakalen so bansak?

Saray Huis 11:12 Iomraidhean Croise

Saray Bilang 20:14

Manlapud Cades si Moises angibaki ed ari na Edom na pigaran totoo. Inkuanda, “Saya so papaibaga na saray kakanayon mo a kabyangan na saray tribu na Israel. Amtam so inkairapan mi la,

Saray Bilang 21:21

Insan saray totood Israel angibaki ra na pigaran totoo ed ari na saray Amorreo a si Sehon tan impaikuanda:

Mateo 8:29

Inmeyaeyag iran tampol, “Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?”

Deuteronomio 2:26

“Insan manlapud kalawakan na Kedemot angibaki ak na totoo ed kinen Ari Sehon na Hesbon ya impaibagak ed sikato ira yan salita a mangiter na kareenan:

Saray Huis 11:11

Kanyan akilad saramay pangulo na Galaad si Jefte, et saray totoo impagmaliw dan manoley tan pangulo ra. Diad Mizpa pinalinew nen Jefte diad arap na Katawan so labay ton nagawa.

Saray Huis 11:13

Inmebat ed saramay imbaki nen Jefte so ari na Ammon, “Nen pinmaway ed Egipto iray Israelita ginamgam day dalin ko manlapud Ilog na Arnon ya anggad Ilog na Jabok tan say Ilog na Jordan. Natan nepeg mon ipawil ed siak a mabolbolus.”

Saray Huis 12:2

Balet inkuanen Jefte ed sikara, “Siak tan saray totook et mapalaloy impikolkol mid saray Ammonita. Tinawag ta kayo, balet ag yo ak labay ya iyagel ed sikara.