Saray Huis 11:10 - Maung A Balita Biblia

¹⁰ Inmebat ira, “Onabubon kami. Say Katawan so tasi tayo!”

Maung a Balita Biblia

¹⁰ Inmebat ira, Onabubon kami. Say Katawan so tasi tayo!

Saray Huis 11:10 Iomraidhean Croise

Genesis 16:5

Inkuanen Sarai ed kinen Abram, “Kasalanan mo so panlelemlemew nen Agar ed siak. Siak a dili so angiter ed sika na saman ya aripen ko, tan nanlapud naamtaan ton malokun la lelemlemewen to ak. Say Katawan lay manintinsia no siopay nalilingod sikatan dua.”

Genesis 21:23

Kanyan mansamba ka dia ed imatun na Dios ya ag mo kami papalikdoen, siak, saray anak ko, tan saray kabyangay boleg ko. Matoor ak ed sika, kanyan isipan mon matoor ka met ed siak tan diad sayan dalin a panaayaman mo.”

Genesis 31:50

Intuloy nen Laban ya inkuan, “No makapoy so ipatnag mod saray anak ko, o mangasawa ka na arum a bibii, anggaman ya ag ko amta, ag mo lilingwanan a bambantayan ita na Dios.

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Jeremias 42:5

Insan inkuandad siak, “Say Katawan a Dios tayo komun so tua tan matoor a tasi sumpad sikami no ag mi onuren ya amin iray ganggan ya iter tod sika para sikami.

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

2 CORINTO 11:31

Kabat na Dios tan Ama na Katawan a Jesus ya ag ak mantitila. Nagalang komuy ngaran to ed ando lan ando.

Deuteronomio 1:16

“Diad saman a panaon binilin ko ra, ‘Salaysay yo ray totoon mankokolkol. Apiger yon sintinsiaan so anggan dinan a kolkolan na saray dilin totoo yo odino kolkolan na saray sangkailin manaayam ed kawalaan yo.

Saray Huis 11:9

Inkuanen Jefte ed sikara, “No pasempeten yo ak ta mibakal ak ed saray Ammonita, et panaloen ak na Katawan, siak so magmaliw a manoley yo.”

1 Samuel 12:5

Inmebat si Samuel, “Say Katawan tan say pinili ton ari, sikaray tasik ed sayan agew ya anggapoy nalmoan yon kasalanan ko.” “On, say Katawan so tasi mi,” ebat da.

1 Samuel 24:12

Sintinsiaan ita komun na Katawan, no siopad sikatay manggagaway maoges! Dusaen ka komun na Katawan lapud gagawaen mod siak, ta no siak ag ta ka pasakitan.