Saray Huis 10:7 - Maung A Balita Biblia

⁷ Kanyan akapasnuk so Katawan ed saray Israelita, tan inabuloyan ton nadakep ira na saray Filisteo tan saray Ammonita.

Maung a Balita Biblia

⁷ Kanyan akapasnuk so Katawan ed saray Israelita, tan inabuloyan ton nadakep ira na saray Filisteo tan saray Ammonita.

Saray Huis 10:7 Iomraidhean Croise

Saray Salmo 44:12

Mamurmuray impangilakom ed saray dilin totoom, a singa anggapoy kablian da.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Saray Huis 10:8

Labinwaloy taon a pinapairap tan pinapasegsegang da ray amin ya Israelitan manaayam ed bansa na saray Amorreo diad bokig na Ilog na Jordan diad Galaad.

Saray Huis 13:1

Nankasalanan lamet ed Katawan iray Israelita, kanyan inyabuloy ton apataploy taon ya inoleyan na saray Filisteo iray Israelita.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 4:2

Kanyan say Katawan impadakep to rad kinen Jabin a Cananeo a nanarid siudad na Hazor. Say pangulo na saray sondalo to et si Sisara a nanayam ed Haroset-na-saray-Hintil.

Saray Huis 6:1

Nankasalanan lamet ed Katawan iray Israelita, kanyan inabuloyan ton naoleyan iran pitoy taon na saray totoon taga Madian.