Saray Huis 1:18 - Maung A Balita Biblia

^18-19 Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

Maung a Balita Biblia

^18-19 Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

Saray Huis 1:18 Iomraidhean Croise

1 Saray Arari 4:24

Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Deuteronomio 2:23

Say dalin a gilig na dayat na Mediteraneo et nanayaman na saray totoon taga isla na Creta. Dineral da ray Avvim a totoon gendat a manaayam ed sayan pasen tan inala day amin a dalin da ya anggad baybay diad siudad na Gaza.)

Josue 11:22

Anggapoy atilak ya Anakim ed dalin na Israel; balet wala ray pigaran atilak ed Gaza, Gat, tan Asdod.

Josue 13:3

ontan met ed intiron dalin a sakop na saray Avim ya anggad abalaten. (Say dalin a manlapud kolus na Sihor, diad ketegan na Egipto ya anggad baybay diad ketegan na Ekron et sakop na saray Cananeo; saray ari na Filistia et manaayam irad Gaza, Asdod, Askelon, Gat, Ekron.)

Josue 15:11

Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

Saray Huis 14:19

Kabebekta pinabiskeg na ispiritu na Katawan si Samson, et linmad Askelon a dimay amateyan toy talomplon lalaki tan inaala to ray kawes da, insan to ra inter ed saramay akaebat na pabitla to. Kayari to, sinmempet a mapalaloy petang na olo to lapud samay agawa.

Saray Huis 16:21

Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.

Saray Huis 3:3

Saray atilak ed dalin na Israel et saray limaran siudad na Filistia, amin da ray Cananeo, saray Sidoneo, tan saray Heveo a manaayam irad Kapalandeyan na Libano manlapud Palandey na Baalhermon ya anggad Dalan na Hamat.

1 Samuel 6:17

Impawit na saray Filisteo so limaran pelsan balituk a rigalo rad Katawan a pambayar dad saray kasalanan da; sakey so para siudad na Asdod; sakey so para siudad na Gaza, sakey so para siudad na Ascalon, sakey so para siudad na Gat, tan sakey so para siudad na Ecron.