Saray Huis 1:15 - Maung A Balita Biblia

¹⁵ Inmebat si Acsa, “Rigaloan yo ak pa na dalin a walay sobul to. Samay inter yod siak a dalin ed bandad baybay et amaga tan araldalem so sobul.” Kanyan inter nen Caleb ed sikato so sobul ed bandad tulo tan leksab.

Maung a Balita Biblia

¹⁵ Inmebat si Acsa, Rigaloan yo ak pa na dalin a walay sobul to. Samay inter yod siak a dalin ed bandad baybay et amaga tan araldalem so sobul. Kanyan inter nen Caleb ed sikato so sobul ed bandad tulo tan leksab.

Saray Huis 1:15 Iomraidhean Croise

Genesis 33:11

Awat mo kariy panangarok ya awit kon para sika, kinasian ak na Dios, ta inter ton amin iray nakaukolan ko.” Ag to tinondaan ya anggad inawat nen Esau ira may rigalo.

2 CORINTO 9:5

Lapud saya, ninunot kon nakaukolan a kerewen ed sarayan agagi ya onona ran onlad tan, pian niparaan da lay insipan yon tulong. Akaparaan lad satan no onsabi ak ditan; nipanengneng ed saya a mangiiter kayo onung na bolus na linawa, aliwan lapud napapasootan kayo.

Saray Hebreo 6:7

Bibindisionay Dios so dalin a manesepsep na oran a naynay ya ompepelag, tan patutuboen to ray tantanaman a pinabangan na saray intaneman.

Josue 15:19

Inmebat, “Itdan yo ak pa na dalin a kawalaan na sobul. Amaga may inter yod siak a dalin.” Kanyan inter nen Caleb ed sikato iray niatagey tan niabeban sobul.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

Saray Huis 1:14

Diad agew na bansal, impurpurek nen Otniel ed kinen asawa to ya onkerew na alog ed kinen ama to. Inmepas ed asno to si Acsa, insan tinepet nen Caleb ed sikato no antoy labay to.

Saray Huis 1:16

Saray Cineo a kabyangay boleg na katolangan nen Moises et akila rad saray totoo nen Juda manlapud Jerico, say siudad na saray kiew a palmira, ya anggad kalawakan na Juda diad abalaten na Arad. Nanayam irad man a kaiba da ray Amalecita.

1 Samuel 25:18

Nangganat ya angalay Abigail na duan lasus a tinapay; duaran pananginan a katat a napnoy alak, limaran litson a karniro, limaran salup ya insanglil a trigo, sanlasus a monggol na ubas, duan lasus a kanen ya impamagan bungay igos, tan inyan to rad beneg na saray asno.

1 Samuel 25:27

Kanyan awat mo pa yay panangaron awit ko a para sika, tan iter mod saray totoom.