Saray Hebreo 9:4 - Maung A Balita Biblia

⁴ Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Maung a Balita Biblia

⁴ Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Saray Hebreo 9:4 Iomraidhean Croise

1 Saray Arari 7:50

saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

1 Saray Arari 8:21

Nanggawa ak met na pasen ed Timplo a pangiliraan na Kaban na Sipanan a nankarga na saray tapyak a bato a tanda na impisipanay Katawan ed saray lalaki tayo nen impaway to ra ed Egipto.”

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

2 Saray Awaran 5:10

Anggapoy karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray totood Israel nen tataynanan day Egipto.

Exodo 26:33

Sayan kurtina so ibitin mod saray panagkawit a nipeket ya arasig ed tarung na Tulda, tan iliram ed sanib to so Kaban na Sipanan a nankarga na duaran tapyak a bato. Say kurtina so ketegan na Masanton Pasen tan say Sankasantosan a Pasen.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 32:15

Inmakseb ed alusadsar na palandey si Moises tan sankaawit to ra may duaran tapyak a baton nantopag ya akaitatakan na saray ganggan.

Exodo 34:29

Nen inmakseb a nanlapud Palandey na Sinai si Moises a sankaawit to ray Samploran Ganggan, sinminag so lupa to lapud akisalita ed Katawan; balet ag to ya amta.

Exodo 37:25

Nanggawa na altar ya akasia a panagpoolan na insinso. Kuadrado yan altar, labinwalon pulgada so karokey to tan labinwalon pulgada so kaawang to, tan talomplo tan anem a pulgada so kaatagey to. Akitekep ed altar iray pinagsaklur to ed apatiran suyok.

Exodo 39:35

say Kaban na Sipanan a nankarga na saray tapyak a bato, saray tiken to, tan say sakub to;

Exodo 40:3

Iyan mod loob to so Kaban na Sipanan a nankarga na Samploran Ganggan tan ibitin mo so kurtina ed arap to.

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

Saray Bilang 17:10

Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

Saray Bilang 17:5

Mansangad satan so baston na toon pinilik. Diad onya patondaen koy mabetbet a panririklamo da ray Israelita sumpad sika.”

Saray Bilang 17:8

Diad ontombuk ya agew, nen linmay Moises ed dalem na Tulda, anengneng ton nansanga may baston nen Aaron a mangilalaman na tribu nen Levi. Nansimit, nanrosas, tan nambunga na aloton almindras!

Deuteronomio 9:11

On, kayariy apataploy agew tan labi say Katawan inter tod siak ira may duaran tapyak a baton angitatakan tod samay impisipanan to.

Deuteronomio 9:9

Kinmalab ak ed tagey na palandey ta alaen ko ra may tapyak a baton akaitatakan na impisipanan ed sikayo na Katawan. Nanayam ak diman ya apataploy agew tan labi tan ag ak balut angan o inminom.

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Puyan 8:3

Sinmabiy sananey ya anghil a sankaawit toy balituk a pananginay insinso, tan linman inmalagey ed arap na altar. Naitday dakerakel ya insinso ya intekep tod saray pikakasi da ray amin a totooy Dios, insan to imbagat ed balituk ya altar a walad arap na trono.