Saray Hebreo 9:27 - Maung A Balita Biblia

²⁷ Nigetar ed balang too a maminsan ya ompatey, tan kasumpal to sintinsiaan na Dios.

Maung a Balita Biblia

²⁷ Nigetar ed balang too a maminsan ya ompatey, tan kasumpal to sintinsiaan na Dios.

Saray Hebreo 9:27 Iomraidhean Croise

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

2 Samuel 14:14

Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

Say Libro nen Job 14:5

Walay nigetar a dokey na bilay na too— nigetar lay bilang na bulan a pambilay to. Sikay angipasen na panganggaan to et ag to nalabsanan.

Say Libro nen Job 19:25

Balet amtak a walad tawen so sakey a manangyagel ko, onsabid kaonuran a mangyagel ed siak.

Say Libro nen Job 30:23

Amtak ya iyaakar mo ak la ed patey, say pansumpalan na amin a mabilay.

Saray Salmo 89:48

Siopay makapambilay ya ag ompatey? Panon a napaliisay too so lobuk?

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Ecclesiastes 3:2

Igegetar toy panaon na kianak tan say panaon na ipatey, say panaon na pantanem tan say panaon na panani,

Ecclesiastes 3:20

Mansumpal iran dua ed saksakey a pasen—say dabuk. Dabuk so nanlapwan da, dabuk so pawilan da.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Lucas 20:32

Diad kaonuran, inatey met imay bii.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 5:12

Linmoob so kasalanan ed sankamundoan diad panamegley na sakey a too, tan linmoob so patey diad panamegley na kasalanan to. Lapud saya kinmayat so patey ed amin a katoowan, ta nankasalanan iran amin.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

2 Timoteo 4:1

Bibilinen ta ka, diad arap na Dios tan arap nen Cristo Jesus a manintinsia ed saray mabilay tan saray inatey: lapud say isabi to tan say Panarian to, igaganggan ta kan

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Saray Hebreo 6:2

say bangat a nipaakar ed saray binyag, say pangitapew na saray lima; say kiolid bilay na saray inaatey, tan say andi-anggaan a pananintinsiay Dios.

1 Juan 4:17

Say getma na inkayadyari na aro ed sikatayo et say ag tayo itakot no Agew na Okum. Ag itayon talaga ontakot, ta say bilay tayod sayan mundo et kapara na bilay nen Cristo.

Judas 1:15

pian sintinsiaan toy amin a katoowan tan dusaen to ray makasalanan lapud maoges iran gawgawa ra, tan lapud saray maoges a sinalita ra sumpad Dios!”

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.