Saray Hebreo 9:24 - Maung A Balita Biblia

²⁴ Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Maung a Balita Biblia

²⁴ Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Saray Hebreo 9:24 Iomraidhean Croise

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Exodo 28:12

Ipeket mo ra ed saray balabal na takeb na ipod, ta sikaray pakanudnunotan ed saray boleg na Israel. Diad onya si Aaron sakbaten tod saray takeb to so kangaranan da, pian siak a Katawan et nanunotan ko lawas iray totook.

Exodo 28:29

“No onloob si Aaron ed Masanton Pasen, isolung to so apis na pagew ya akaitatakan na kangaranan na saray boleg na Israel, pian siak a Katawan et nanunotan ko lawas iray totook.

Zacarias 3:1

Diad sananey a pasingayew say Katawan impanengneng tod siak a manalalagey ed arap na anghil na Katawan si Josue a Pangulon Pari. Manalalagey met diman ed abay to si Satanas ya akaparaan lan mangakusa ed kinen Josue.

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Marcos 14:58

“Nadngel min inkuanto, ‘Gebaen ko yan Timplo a ginaway too, insan kayariy taloy agew mangipaalagey ak na sananey ya aliwan ginaway too.’”

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Lucas 24:51

Nen bibindisionan to ra, tinaynan to ra tan niatagey ed tawen.

Juan 16:28

Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Juan 6:62

Anto kasi no nanengneng yoy Anak na Too ya ompawil ed nanlapwan to?

Saray Gawgawa 3:21

Nakaukolan a manayam nid tawen ya anggad panaon a napasimbalo ray amin a bengatla, onung na imbagay Dios nen saman ni, diad panamegley da ray masanton propita to.

Saray Taga Roma 8:33

Siopay mangakusad saray totoon pinili na Dios, anta say Dios so amaandiy kasalanan da?

2 CORINTO 5:1

Ta amta tayo a no naderal so tuldan panaayaman tayo natan—say mangaraldalin a laman tayo—walay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

COLOSAS 3:2

Nunnunot yo ray mangatatawen, aliwan saray mangaraldalin a bengatla.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Saray Hebreo 6:20

Inmona nen sikatayo a linmoob diman si Jesus a mangilaman ed sikatayo. Nagmaliw a pangulon pari ya anggad angga, onung na inkapari nen Melkisedek.

Saray Hebreo 8:2

Manlilingkur a Pangulon Pari ed Sankasantosan a Pasen, a salanti diad tuan tulda ya impaalagey na Katawan, aliwan say too.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

Saray Hebreo 9:1

Samay onaan a sipanan wala ray totontonen ton nipaakar ed panangigalang ed Dios, tan wala met so pasen to a panangigalangan diad tapew na dalin.

Saray Hebreo 9:23

Kinaukolan a naorasan ed sarayan bagat ira yan kaparpara na saray bengatlan walad tawen, balet magmaung ni ran bagat nen saraya so kaukolan da ray mangatatawen a bengatla.

Saray Hebreo 9:9

Anino labat ira ya na sayan panaon. Labay to yan ibaga a saray bagat tan saklang ya iiter ed Dios et ag da nalinisan so konsinsia da ray mangigagalang.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Puyan 8:3

Sinmabiy sananey ya anghil a sankaawit toy balituk a pananginay insinso, tan linman inmalagey ed arap na altar. Naitday dakerakel ya insinso ya intekep tod saray pikakasi da ray amin a totooy Dios, insan to imbagat ed balituk ya altar a walad arap na trono.