Saray Hebreo 9:21 - Maung A Balita Biblia

²¹ Winalsikan to met na dala may tulda tan amin a kagawaan ya ikakanad pangigalang ed Dios.

Maung a Balita Biblia

²¹ Winalsikan to met na dala may tulda tan amin a kagawaan ya ikakanad pangigalang ed Dios.

Saray Hebreo 9:21 Iomraidhean Croise

Exodo 24:6

Inala nen Moises so kapaldua na dala na saramay ayep tan inkarga tod saray palanggana, insan to insisibo ed altar.

Exodo 29:12

Mangala kay daiset a dala na bakan kalakyan tan diad panamegley na tamorom iponaris mod saramay pinagkasaklur na altar. Say keran dala ikalbom ed leksab na altar.

Exodo 29:20

Patey mo may karniro, tan mangala ka na daiset a dala to tan iporanis mod gilig na kawanan a kalayagan di Aaron tan saray anak to; iporanis mo met ed saray kawanan a tangan na kalimaan da tan diad saray kawanan a tangan na kasaliyan da. Isibom ed apatiran dapag na altar so keran dala.

Exodo 29:36

Inagew-agew a nepeg mon ibagat so sakey a karniron kalakyan, pian napaandi so kasalanan; saya et linisan to so altar. Insan mo lanaan na larak na oliba, pian napasanto.

Exodo 40:9

“Insan mo isaklang so Tulda tan amin a kagawaan to diad panamegley na panlanam na larak, et magmaliw a masanto.

Levitico 8:15

Pinatey nen Moises imay baka tan inala to na dala. Insan diad panamegley na tamoro to pinoporanisan to na dala iray pinagkasaklur ed saray soyuk na altar pian nisaklang to. Kayari to ya, inibung tod leksab na altar so keran dala. Diad onya insaklang to tan nilinisan to onung ed ganggan.

Levitico 8:19

Pinatey nen Moises imay karniro tan insibo tod apatiran kapag na altar so dala.

Levitico 9:18

Pinatey to may bakan kalakyan tan samay karniron kalakyan, ta ibagat ira a para kareenan; sakey yan bagat a para saray totoo. Saramay anak ton lalaki inyakar dad sikato so dala, tan insibo to ed apatiran dapag na altar.