Saray Hebreo 9:18 - Maung A Balita Biblia

¹⁸ Kanyan anggan samay onaan a sipanan apaletan labat diad impangikanay dala.

Maung a Balita Biblia

¹⁸ Kanyan anggan samay onaan a sipanan apaletan labat diad impangikanay dala.

Saray Hebreo 9:18 Iomraidhean Croise

Exodo 12:22

Mangala kayoy sangay isopo, isawsaw yod palangganan nankargay dala na ayep, insan yo iporanis ed saray lusek ya akapeketan na puirta tan diad panuksolan ed tagey na puirta na abung yo. Ag kayo ompapaway ed abung yo ya anggad kabwasan.

Levitico 8:24

Insan to inyakar ed arap ira may lalakin anak nen Aaron tan pinoranisan to na dala iray gilig na kawanan a kalayagan da, diad kawanan a tangan na kalimaan da, tan diad kawanan a tangan na kasaliyan da. Insan si Moises inwalsik tod apatiran dapag na altar so keran dala.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Saray Hebreo 9:17

Ta anggapoy kana na tistaminto legan a mabilay ni so nanggawa; walay kana to labat no inatey la.

Saray Hebreo 9:19

Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.