Saray Hebreo 9:1 - Maung A Balita Biblia

¹ Samay onaan a sipanan wala ray totontonen ton nipaakar ed panangigalang ed Dios, tan wala met so pasen to a panangigalangan diad tapew na dalin.

Maung a Balita Biblia

¹ Samay onaan a sipanan wala ray totontonen ton nipaakar ed panangigalang ed Dios, tan wala met so pasen to a panangigalangan diad tapew na dalin.

Saray Hebreo 9:1 Iomraidhean Croise

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

Ezekiel 43:11

Et no ombaing ira lapud saray ginagawa ra, ipaliwawam ed sikara so plano na Timplo: say inkagawa to, saray lolooban tan saray papawayan to, say alagey to, say inkilira na amin a bengatla, tan amin da ray ganggan tan saray pananontonan to. Isulat mo ra yan amin a para sikara pian nanengneng da so inkilira na amin a bengatla tan natombuk da ray amin a totontonen.

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

Levitico 22:9

“Amin a pari nepeg a tombuken da ray totontonen ya inter ko. No ag da ra tombuken, mankasalanan ira tan ompatey ira, lapud sinumlang da ray masanton totontonen. Siak so Katawan a mapasantod sikara.

Saray Bilang 9:12

Ag kayo mangikekera ed saray kakanen ya anggad ontombuk a kabwasan tan ag yo popoteren so anggan dinan a pokel na samay ayep. Tombuk yoy amin a totontonen diad pansilibra yo na Paskua.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Saray Taga Roma 9:4

Israelita ra tan pinili na Dios iran totoo to. Ginawa to ran anak to tan impinabang to rad kagalangan to. Akisipanan ya amimpiga so Dios ed sikara tan inter tod sikaray Ganggan. Walad sikaray matwan panagdayew ed Dios, tan inawat da ray sipan na Dios.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

Saray Hebreo 8:13

Nen asalitay Dios so nipaakar ed balon sipanan, labay ton ibaga ya anggapo lay kakanaan to may onaan a sipanan; tan asingger lan naandipat so antokaman a dinmaan tan naandian lay kakanaan.

Saray Hebreo 8:2

Manlilingkur a Pangulon Pari ed Sankasantosan a Pasen, a salanti diad tuan tulda ya impaalagey na Katawan, aliwan say too.

Saray Hebreo 8:7

No anggapoy kakulangan na samay onaan a sipanan, ag la komun nakaukolay kumadwa.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.