Saray Hebreo 7:26 - Maung A Balita Biblia

²⁶ Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

Maung a Balita Biblia

²⁶ Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

Saray Hebreo 7:26 Iomraidhean Croise

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Exodo 28:36

“Manggawa ka na arkos a puron balituk tan tatakan mo na ‘Nisaklang ed Katawan.’

Isaias 53:9

Nisorub ed lobuk a kaiba to ray totoon maoges; nipompon a kaiba to ray totoon mayaman, anggaman ya ag balut nanggaway kaogsan odino nantila.”

Ezekiel 44:27

insan onloob ed patiod dalem na Timplo tan mangisaklang na bagat a para kasalanan to, pian nayarian toy manlingkur lamet ed Timplo. Siak a Katawan a Dios so nansalita.

Saray Bilang 29:26

Diad kumaliman agew mangibagat kayo na siamiran kilaw a bakan kalakyan, duaran karniron kalakyan, tan labinapat a sakey taon a kordiron kalakyan; nepeg ya anggapoy deral na laman da.

Mateo 27:18

Ta kabkabat nen Pilato ya inyawat day Jesus ed sikato lapud pakakaibeg da.

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Lucas 1:35

“Onlad sikay Ispiritu Santo,” ebat na anghil, “tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

Lucas 23:22

Pinitlo nen Pilato ya inkuan ed sikara, “Akin, antoy ginawa ton kasalanan? Anggapoy naalmoan kon ginawa ton makasengeg na pamatey ed sikato! Kanyan pasipsiplatan ko, insan ko la ibolus.”

Lucas 23:41

Nepeg tan dua so nadusay onya lapud ginawa ta, balet sikato anggapoy kasalanan a ginawa to.”

Lucas 23:47

Nen naimatunan yan agawa na kapitan da ray sondalo, indayew toy Dios. Inkuanto, “Tua a matonung yan too!”

Lucas 24:26

Ag ta nakaukolan a panirapan na Cristo ira yan amin kasakbayan a nagamuran toy mapagalang a kipapasen to?”

Lucas 24:46

Inkuantod sikara, “Onyay nisulat: nakaukolan a manirap so Cristo tan onolid bilay ed kumatlon agew,

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Juan 8:29

Kaibak so angibakid siak. Ag to ak tinaynan a mambukbukor, ta gagawaen ko lawas iray makapaliket ed sikato.”

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 2:10

Manepeg ed Dios—say amalsa tan manaasikasod amin a bengatla—a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so mangipapanguloy kilalaban da.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 7:11

Ta niiter so Ganggan ed saray Israelita diad panamegley na inkapari da ray paparin kabyangay boleg nen Levi. No nagnap so kimey da ray paparin kabyangay boleg nen Levi, ag la komun kinaukolay sananey nin pari onung ed inkapari nen Melkisedek, aliwan onung ed inkapari nen Aaron.

Saray Hebreo 8:1

Say labay min ibaga saya: walay onyan Pangulon Pari tayo ya akayorung ed nikawanay trono na Sankatageyan a Dios ed tawen.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

1 Pedro 2:22

Anggapoy ginawa ton kasalanan; ag met nantila ya anggan kapigan.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

1 Juan 3:5

Amta yo a pinmanengneng si Cristo a mangekal ed saray kasalanan na katoowan, tan anggapoy kasalanan to.

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.