Saray Hebreo 7:2 - Maung A Balita Biblia

² Inter nen Abraham ed sikato so kakaplo na amin a sinamsam to. (Say ononan kabaliksay ngaran nen Melkisedek et “Ari na Katonungan.” Lapud ari met na Salem, say labay met ya ibagay ngaran to et “Ari na Kareenan.”)

Maung a Balita Biblia

² Inter nen Abraham ed sikato so kakaplo na amin a sinamsam to. (Say ononan kabaliksay ngaran nen Melkisedek et Ari na Katonungan. Lapud ari met na Salem, say labay met ya ibagay ngaran to et Ari na Kareenan)

Saray Hebreo 7:2 Iomraidhean Croise

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.”

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

2 Samuel 8:15

Nanoley si David ed intiron Israel; maptek tan anggapoy nilabi so impanoley tod saray totoo.

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

Saray Salmo 72:7

Ombolaslas komuy katonungan anggad mambibilay ni so ari, tan manari komuy kareenan, anggad onliliwawa ni so bulan.

Levitico 27:32

Say sakey ed kapag samploran amon ayep et kayaryan na Katawan. No bilangen iray ayep, kayaryan na Katawan so balang kumasamplo.

Mikias 5:5

tan sikatoy mangyakar na kareenan. No looban na saray taga Asiria so bansa tayo, mangibaki tayo na saray mabisbiskeg a pangulo ya onlaban ed sikara.

Saray Bilang 18:21

Say Katawan kuanto, “Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Saray Taga Roma 3:26

Balet, diad sayan panaon, ipapanengneng ton sikatoy matonung, ta papaandien toy kasalanan na amin a manisiad kinen Jesus.

Saray Hebreo 7:1

Sayay Melkisedek ari na Salem tan pari na Sankatageyan a Dios. Nen ompapawil si Abraham, kasumpal ton akibakal a pinapatey to ray arari, inabet nen Melkisedek tan binindisionan to.

Saray Hebreo 7:3

Anggapoy nisulat nipaakar ed ama o ina to, o nipaakar ed nanlapwan ton boleg. Anggapo met so nisulat nipaakar ed inkianak o impatey to. Singa say Anak na Dios, mansiansian pari ya anggad angga.

1 Samuel 8:15

Alaen toy kakaplo na saray naani yo tan saray bungay ubas yo, insan to ra iter ed saray opisyal na palasio to tan saray arum ya opisyal to.

1 Samuel 8:17

Alaen toy kakaplo na saray karniro yo. Pagmaliwen to kayo ran aripen to.