Saray Hebreo 6:2 - Maung A Balita Biblia

² say bangat a nipaakar ed saray binyag, say pangitapew na saray lima; say kiolid bilay na saray inaatey, tan say andi-anggaan a pananintinsiay Dios.

Maung a Balita Biblia

² say bangat a nipaakar ed saray binyag, say pangitapew na saray lima; say kiolid bilay na saray inaatey, tan say andi-anggaan a pananintinsiay Dios.

Saray Hebreo 6:2 Iomraidhean Croise

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Mateo 28:19

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo,

Mateo 3:14

Ag labay komun a binyagan nen Juan, kanyan inkuantod kinen Jesus, “Anta siak komuy nepeg a binyagan mo, linma ka dian pabinyagan ed siak?”

Marcos 16:16

Siopamay manisia tan nabinyagan, nilaban; siopamay ag manisia, nadusa.

Marcos 7:4

No manlapu rad tindaan, ag ira mangan na antokaman no ag da ni naorasan. Dakdakel ni so abangonan dan bangat na lalaki ra, a singa say panagoras na saray losur, boyug, gansan yaung, tan dokulan.

Marcos 7:8

Insan kuanen Jesus, “Palpaolyan yoy ganggan na Dios, oonuren yo balet so tinawir yo ran bangat na too.”

Lucas 11:38

Mankelaw imay Pariseo nen naimatunan ton ag nanoras si Jesus kasakbayan ton mangan.

Lucas 12:50

Wala niy binyag a nepeg kon awaten, et nagunigon ak a maung ya anggad pakaawat ko!

Lucas 14:14

Nabindisionan ka, ta ag ira makabales ed sika. Say Dios so mangiter na tumang mo, no onolid bilay iray matonung a totoo.”

Lucas 3:16

Kanyan inkuanen Juan ed sikaran amin, “Siak bibinyagan ta kayo ed danum, balet walay manomtombuk ed siak. Sikatoy makapanyari nen siak tan ag ak manepeg ya anggan mangokbar na sandalya to. Sikato binyagan to kayo ed Ispiritu Santo tan apoy.

Juan 1:33

Ag ko ni kabat nen saman, balet say Dios ya angibakid siak a maminyag ed danum kuantod siak, ‘Say nanengneng mon toon dadapoay Ispiritu tan panayaman to sikatoy maminyag na totoo ed Ispiritu Santo.’

Juan 5:29

tan nabilay ira. Saray nanggagaway maung, onoli ran naitdan na bilay ya andi-anggaan; balet saray nanggagaway maoges, onoli ran nadusa.”

Saray Gawgawa 10:47

“Singa sikatayo met, inawat na sarayan totoo so Ispiritu Santo. Siopa niy manebel a sikaray binyagan ed danum?”

Saray Gawgawa 13:3

Nanayuno tan nampikasi ra, intatapew da ray lima ra ed saramay duara, insan da ra pinasiput.

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Saray Gawgawa 16:33

Diad saman lamlamang a labi, samay guardia inala to ra tan inorasan to ray sugasugat da, tan nampabinyag a tampol tan say intiron pamilya to.

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 2:41

Kanyan saramay anisiad impulong to, nampabinyag ira. Diad saman ya agew, sakey a talon libon totoo so niarum ed bilang da ray mananisia.

Saray Gawgawa 23:6

Nen anengneng nen Pablo a wadman iray pigaran Saduseo tan saray arum a Pariseo, inkuantod maksil a bosis, “Agagi, sakey ak a Pariseo tan anak na saray Pariseo. Iimbistigaen da ak natan, lapud ilalok ya onolid bilay iray inaatey.”

Saray Gawgawa 24:15

Mailalo ak met ed Dios, a singa sikara, ya onolid bilay ya amin iray totoo, matonung man ira o andi.

Saray Gawgawa 24:21

Nayarin ibaga ran aliway ginawak nen inkuankod arap da, ‘Lapud ilalok ya onolid bilay iray inaatey, imbistigaen yo ak natan!’”

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Gawgawa 26:8

Akin et mairap yon panisiaan, sikayo ran Judio, a say Dios et paolien tod bilay iray inaatey?

Saray Gawgawa 4:2

Makapapasnuk irad saramay duaran apostol lapud pangibabangat tan pangipupulong dad saray totoo ya inmolid bilay si Jesus, et diad ontan, papaneknekan da met ya onolid bilay iray inaatey.

Saray Gawgawa 6:6

Inyarap da rad saray apostol; insan impikasi ra na saray apostol, tan intatapew da ray lima ra ed sikara.

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

1 CORINTO 10:2

Kanyan diad lorem tan dayat, amin da abinyagan a mananombuk nen Moises.

1 CORINTO 12:13

Ontan met ya amin tayo, Judio man o Hintil, aripen man o andi, bininyagan itayo na saksakey ya Ispiritu, tan nagmaliw itayon sakey a laman. Pinainom itayo met ya amin ed saksakey ya Ispiritu.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

COLOSAS 2:12

Ta nen abinyagan kayo, nipompon kayon kaiba nen Cristo tan inmoli kayod bilay a kaiba to, lapud pananisia yod pakayariy Dios, ya amaolid bilay ed Cristo.

2 Timoteo 2:18

Tinaynan day katwaan tan dederalen day pananisia da ray arum, diad pangibabaga ran asumpal lay kiolid bilay na saray inaatey.

Saray Hebreo 11:35

Lapud pananisia, saray bibii inaawat da ray inaatey da ya inmoolid bilay. Wala ray arum a nilabay da niy ompatey ed kairapan nen say nabolus, pian onoli rad magmaung a bilay.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.