Saray Hebreo 6:10 - Maung A Balita Biblia

¹⁰ Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

Maung a Balita Biblia

¹⁰ Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

Saray Hebreo 6:10 Iomraidhean Croise

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Nehemias 13:31

impaiyakar kod manepeg a panaon iray kiew a pampool na saray bagat; impaiyakar ko met ed saray totoo iray bagat dan ononan anien a trigo tan saray ononan borboren a bunga. Ag mo lilingwanan yan amin, O Dios, tan tumangan mo ak pa.

Nehemias 5:19

O Dios, ag mo pa lilingwanan a tumangan lapud amin a bengatlan ginagawak para sarayan totoo.

Saray Salmo 20:3

Awaten to komun ya amin iray isaklang mo tan napaliket ed amin da ray ibagat mo.

Exodo 1:20

Lapud sarayan manamianak et walay takot dad Dios, tinumangan ira na Dios tan initdan to ray anak da. Ag tinmonda so indakel na saray Israelita tan nagmaliw iran makapanyarin tuloy.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Ecclesiastes 11:1

Ipoonan moy kuartam ed panagkomirsio ed arum a bansa, et ag mabayag mantubo ka.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

Mateo 20:7

‘Anggapo lantiy mangalad sikami a mankimey,’ kuanda. Inkuanto, ‘No ontan sirin, lakayo met a mankimey ed kaubasan ko!’

Mateo 25:17

Ontan met so ginawa to may akaawat na duan libo, tan akatuboy duan liboy pisos.

Marcos 9:41

Tandaan yo ya! Siopamay mamainom na danum ed sikayo lapud mananombuk kayo nen Cristo, walay awaten ton awaten a tumang to.”

Juan 13:20

Ibagak ed sikayoy katwaan: say mangawat ed siopaman ya imbakik awaten to ak met, tan say mangawat ed siak awaten to met so angibakid siak.”

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

Saray Gawgawa 11:29

Nampapaknaan da ray disipulo a mangiter iran amiy tulong ed saray agagin manaayam ed Judea, onung ed nayarian ya iter na balang sakey.

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

2 CORINTO 9:1

Ag ko la nakaukolan ya isulat ed sikayoy nipaakar ed tulong ed saray totoo na Dios, diad Judea.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

TAGA GALACIA 6:10

Kanyan anamuten tayoy pankanawnawa tayon ontulong ed kaparan too, lautlad saray agagid pananisia.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

1 Timoteo 6:18

Ibangat mo ran manggaway kamaungan, mampayaman irad saray maung a gawa, mabonluk irad panangiter, tan sipaparaan iran mangyapag ed saray arum na kayaryan da.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Saray Hebreo 10:32

Nunot yo pay agawad sikayo nen saman. Nen saman iran agew, kasumpal ya aliwawaan kayo, agaylay impaniirap yo, balet ag kayo atalo.

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.