Saray Hebreo 6:1 - Maung A Balita Biblia

¹ Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

Maung a Balita Biblia

¹ Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

Saray Hebreo 6:1 Iomraidhean Croise

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 21:29

‘Ag ko labay,’ kuanto may anak. Balet nansalat na kanunotan to tan linma met lamlamang.

Mateo 21:32

Ta linma diay Juan tan imbangat tod sikayoy maptek a panagbilay, et ag yo sinisia. Balet sinisia na saray sumisingil na buis tan saray marorotak a bibii. Anggaman a naimatunan yo ya, ag kayo nagbabawi tan anisiad sikato.”

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Mateo 4:17

Nanlapud saman, ginapoan nen Jesus so nampupulong. Inkuanto, “Pansibkelan yo la ray kasalanan yo, ta asingger lay Panarian na tawen!”

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.”

Mateo 7:25

Sinmabiy maples ya oran, dinmelap, tan katekep to niy maksil a bagyon binmasig ed saman ya abung. Ag balet nagba, ta bato so pundasion to.

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

Marcos 6:12

Linma sirin iray labindua a nampulong na pampatauli da ray totoo ed saray kasalanan da.

Lucas 6:48

Aliling toy sakey a toon angotkot na aralem, tan inletneg tod baton-dampay so pundasion na abung ya impaalagey to. Dinmelap, tan say maksil a danum binmasig ed saman ya abung, balet ag agalaw, lapud malet so inkagawa to.

Juan 12:44

Inkuanen Jesus ed maksil a bosis, “Say toon manisiad siak et, aliwan siak et labat so panisiaan to, no ag ingen pati say angibakid siak et.

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

1 CORINTO 13:10

Balet no onsabi lay ayadyari, naekal lay aliwan ayadyari.

1 CORINTO 2:6

Ibabangat miy kakabatan ed saray mamatakken lad maispiritun bilay, balet aliwan say kakabatan na sankamundoan odino say kakabatan na saray manoley ed sayan mundo, saray manoley a nababalang da lay pakayari ra.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

TAGA-EFESO 2:5

Anggaman ya inatey ti la lapud kasusumlang tid ganggan, binilay to itayo a kaiba tiy Cristo. Nilaban kayo lapud baleg a panangaroy Dios.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.

COLOSAS 3:14

Tan manonaan ed amin, manaarowan kayo, ta sikatoy berber na nagnap a pankakasakey.

COLOSAS 4:12

Papaibanoan met so sakey nin kabyangay moyung yo, si Epafras a managlingkur nen Cristo Jesus. Masimoon ton ipipikasi lawas a magmaliw kayo komun a mabiskeg, tan ayadyari ya anggapoy panduaruwaan ed panangonur na linaway Dios.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

1 Timoteo 6:19

Diad onya, makapantipon iray kayamanan a mabiskeg a pundasion ya onkanad sikara ed arapen. Diad saya nagamuran day tuan bilay.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

Saray Hebreo 12:13

Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

Saray Hebreo 7:11

Ta niiter so Ganggan ed saray Israelita diad panamegley na inkapari da ray paparin kabyangay boleg nen Levi. No nagnap so kimey da ray paparin kabyangay boleg nen Levi, ag la komun kinaukolay sananey nin pari onung ed inkapari nen Melkisedek, aliwan onung ed inkapari nen Aaron.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Santiago 1:4

Tan mansiansia kayon mantepel ya anggad kasamputan, pian magmaliw kayon ayadyari tan nagnap tan anggapoy pankulangan.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

1 Juan 4:12

Anggan kapigan, anggapo niy toon akanengneng ed Dios, balet no manaarowan itayo, manayam ed sikatayo so Dios tan ayadyarid sikatayoy aro to.