Saray Hebreo 5:14 - Maung A Balita Biblia

¹⁴ Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

Maung a Balita Biblia

¹⁴ Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

Saray Hebreo 5:14 Iomraidhean Croise

Genesis 3:5

Imbagay Dios itan ta amta to a no kanen yo, magmaliw kayon singa Dios ya amta yo no anto so maung tan maoges.”

2 Samuel 14:17

Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

1 Saray Arari 3:11

Kanyan kuantod sikato, “Lapud ag ka kinmerew na andokey a bilay, odino kayamanan ya onkanad sikan dili, odino say ipatey na saray kalaban mo, no ag ingen kinmerew ka na kakabatan pian matonung so panoley mo,

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

Say Libro nen Job 12:11

Balet no panoy panliket na dilam ed pannanam na kakanen, ontan met so panliket na saray layag mo ed pandengel na saray salita.

Say Libro nen Job 34:3

Nibaga yon mananam so kakanen no natawayan yo; balet ag yo nibagan napnoy kakabatan iray salita no narengel yo ra.

Say Libro nen Job 6:30

Balet iisipen yon mantitila ak— abaloan yon ag ko napambiigan so maung tan maoges.

Saray Salmo 119:103

Diad pakataway ko masamsamit iray bilibilin mo; masamsamit ira nen say dilo!

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Kanta nen Solomon 2:3

Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

Isaias 7:15

No amta to lan ibiig so maung ed maoges, gatas tan dilo so kanen la na saray totoo.

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.”

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

1 CORINTO 2:6

Ibabangat miy kakabatan ed saray mamatakken lad maispiritun bilay, balet aliwan say kakabatan na sankamundoan odino say kakabatan na saray manoley ed sayan mundo, saray manoley a nababalang da lay pakayari ra.

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itayo ya anggad pakapipara tid inkayadyari nen Cristo.

FILIPOS 3:15

Onyay nepeg a kanunotay amin a mabiskeg lad pananisia. Balet no domay kanunotan yo, ipatalus na Dios ed sikayo ya.

1 TESALONICA 5:21

Subok yoy amin a bengatla tan pili yo ray maung.

1 Timoteo 4:7

Ag mo nepeg ya abakey oras mo ed saray andi-kakanaan tan minumundon tongtong. Ipasal mo ingey sikan dili ed masanton panagbilay.

Saray Hebreo 6:1

Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

Santiago 3:2

Ta amin tayo nalilingon naynay. Say toon ag nalingod pananalita to, nagnap tan naadyaan toy intiron laman to.