Saray Hebreo 5:13 - Maung A Balita Biblia

¹³ Say nakaukolan to niy oninom na gatas et ogaw ni, tan ag to amtan birbirey maung tan maoges.

Maung a Balita Biblia

¹³ Say nakaukolan to niy oninom na gatas et ogaw ni, tan ag to amtan birbirey maung tan maoges.

Saray Hebreo 5:13 Iomraidhean Croise

Saray Salmo 119:123

Naksawan la ray matak lapud panaalagar koy panangilaban na tulong mo, say kilalaban ya insipan mo.

Isaias 28:9

Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Marcos 10:15

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.”

Saray Taga Roma 2:20

sakey kan managbangat ed saray makulang-kulang tan saray mamalangwer. Anggapoy panduaruwam a diad Ganggan walad sikay amin a kakabatan tan katwaan.

1 CORINTO 13:11

Nen ogaw ak ni inoogaw so panagsalitak, panagliknak, tan panag-isip ko. Balet natan ta matakken ak la, nilingwanan ko la ray inoogaw a kagagawa.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

1 CORINTO 3:1

Agagi, ag ak makapitongtong ed sikayo a singa pitotongtong kod saray totoon walad sikaray Ispiritu. Kinaukolan a mitongtong ak ed sikayo a singa pitotongtong ed saray totoon minumundoy panagbilay da, singa ogogaw ed pananisiad Cristo.

2 CORINTO 3:9

No say panaglingkur a mansumpal ed dusan patey et walay kagalangan to, say panaglingkur a mansumpal ed pakapaandiy kasalanan na too et lalon matalona niy kagalangan to.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

2 Timoteo 3:16

Amin a Masanton Sulat et impuyan ira na Dios, tan makana ra ed pangibangat na katwaan, panimbawa, pametek, tan pangiwanwan ed malinis a panagbilay,

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

2 Juan 1:11

Ta siopamay mangibabanod sikato, mibibiang ed maoges a gawa to.