Saray Hebreo 5:1 - Maung A Balita Biblia

¹ Balang Pangulon Pari et apilid saray totoo tan niganan mangilaman ed sikara diad panlingkur ed Dios. Mangyapay na saray saklang tan saray bagat lapud saray kasalanan.

Maung a Balita Biblia

¹ Balang Pangulon Pari et apilid saray totoo tan niganan mangilaman ed sikara diad panlingkur ed Dios. Mangyapay na saray saklang tan saray bagat lapud saray kasalanan.

Saray Hebreo 5:1 Iomraidhean Croise

Levitico 8:2

“Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Levitico 9:7

Insan to inkuan ed kinen Aaron, “Lakad altar ta isaklang mo so bagat a para kasalanan tay say bagat a popoolan a mangekal na saray kasalanan mo tan saray kasalanan na saray totoo. Isaklang mo yan bagat a mangekal na saray kasalanan na saray totoo onung na ingganggan na Katawan.”

Saray Taga Roma 15:17

Kanyan lapud pikakasakey kod Cristo Jesus, walay kanepegan kon mampasirayew ed kimey kon para Dios.

1 CORINTO 15:3

Ta inter kod sikayo so manonan bangat ya inawat ko met, salanti, inatey si Cristo lapud saray kasalanan tayo, onung ed Masanton Sulat;

Saray Hebreo 10:11

Inagew-agew a manalagey tan manlingkur so balang pari da ray Judio, tan mamimpigan mangisaklang na nampaparan bagat. Balet ag makapaandiy kasalanan ira yan bagat.

Saray Hebreo 10:12

Si Cristo, balet, amimpinsan ya angibagat lapud saray kasalanan, tan duga la ya. Kasumpal to, inmirung ed nikawanay Dios.

Saray Hebreo 11:4

Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

Saray Hebreo 8:3

Say balang Pangulon Pari et apili a mangisaklang ed Dios na saray rigalo tan saray bagat, kanyan nakaukolan a wala met so ibagat na sayan Pangulon Pari tayo.

Saray Hebreo 8:4

No wadya komun ed dalin, ag la nakaukolan a mampari ni, ta wala la ray paparin mangibabagat onung ed Ganggan.

Saray Hebreo 9:9

Anino labat ira ya na sayan panaon. Labay to yan ibaga a saray bagat tan saklang ya iiter ed Dios et ag da nalinisan so konsinsia da ray mangigagalang.