Saray Hebreo 3:8 - Maung A Balita Biblia

⁸ ag yo papaawetey olo yo, a singa saray lalaki yo nen nilabanan day Dios, a singa sikara diad saman ya agew ed kalawakan nen sinubok da.

Maung a Balita Biblia

⁸ ag yo papaawetey olo yo, a singa saray lalaki yo nen nilabanan day Dios, a singa sikara diad saman ya agew ed kalawakan nen sinubok da.

Saray Hebreo 3:8 Iomraidhean Croise

2 Saray Arari 17:14

Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Nehemias 9:16

Balet nagmaliw a mapaatagey tan bangar iray lalaki mi tan ag da inonur iray ganggan mo.

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Salmo 106:14

Nen wala rad kalawakan sinmabid sikara so alablabas a pilalek et sinubok day Dios.

Saray Salmo 78:18

Ginagala ran sinubok so Dios, diad impankerew day kakanen a labay da.

Saray Salmo 78:56

Balet sinmumpa rad Makapanyarin-amin a Dios, tan sinubok da. Ag da tinoluk iray ganggan to,

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Exodo 17:7

Samay pasen et atawag na Masa tan Meriba, lapud nanriklamo ray Israelita tan sinubok day Katawan nen tinepet da, “Walad sikatayo so Katawan odino andi?”

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Probirbio 28:14

Toluk mo lawas so Katawan, et magmaliw kan maliket. No anawet so olom naderal ka.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Saray Bilang 14:11

Say Katawan kuantod kinen Moises, “Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Saray Gawgawa 19:9

Balet wala ray anawet so olo ra. Anta ag la ra anisia, pinapaoges da nid arap na amin a totoon wadman so Dalan na Katawan. Kanyan tinaynan ira nen Pablo tan intagar to ray mananisia, tan diad panagbangatan la nen Tirano so nampapaliwawaan ton inagew-agew.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.

Deuteronomio 6:16

“Ag yo susuboken so Katawan a Dios yo a singa ginawa yod sikato diad Masa.

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?