Saray Hebreo 3:12 - Maung A Balita Biblia

¹² Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Maung a Balita Biblia

¹² Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Saray Hebreo 3:12 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Say Libro nen Job 21:14

Saray totoon maoges ibaga rad Dios a paolyan to ran bukbukor; ag da labay ya amtaen so linawa tod bilay da.

Say Libro nen Job 22:17

Sikara yay totoon angipolisay ed Dios tan inisip dan anggapoy nagawaan tod sikara.

Saray Salmo 18:21

Tinoluk koy ganggan na Katawan; ag ko imbeneg so Dios ko.

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Jeremias 11:8

Balet ag ira dinmengel o inmonur. Ingen, balang sakey nansiansian anawet so puso to tan maoges. Ingganggan ko ran ontoluk ed sipanan, balet ag da labay so ontoluk. Kanyan inter kod sikaray amin a dusan nibagad saman a sipanan.”

Jeremias 16:12

Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Jeremias 17:5

Say Katawan kuanto, “Dusaen koy toon onarawid siak, tan manmatalek ed too, tan diad biskeg na saray ompatey a totoo.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 18:12

Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Ezekiel 14:5

Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Mateo 24:4

Inmebat si Jesus, “Manalwar kayo tan ag kayo palilingo ed siopaman.

Marcos 13:23

Manasikaso kayo! Imbagak lad sikayo ra yan amin kasakbayan iran nagawa.”

Marcos 13:33

Manalwar tan manasikaso kayo, ta ag yo amta so isabi na sayan oras.

Marcos 13:9

“Manalwar kayo! Ta erelen da kayo tan akusaen da kayo ed korti. Leweten da kayo ed saray sinagoga; iyarap da kayo ed saray manoley tan arari nisesengeg ed siak, pian napaneknekan yod sikara so Maung a Balita.

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.

Saray Taga Roma 11:21

Ta no ag pinalabas na Dios iray Judio ya aliling day peteg iran sanga, ag to ka met palabasen.

1 CORINTO 10:12

Kanyan manalwar so siopaman ya abaloan ton akaalagey, ta ompan natumba.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

Saray Hebreo 10:31

Makapataktakot so napelag ed limay Dios a mabilay!

Saray Hebreo 10:38

Mambilay ed pananisia so took a matonung, balet no benegan to ak, ag ko pakaliketan.”

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 3:10

Kanyan akapasnuk ak ed saraman a totoo tan inkuanko, ‘Lawas ya aliwa ran matoor tan ag da labay ya onuren iray ganggan ko.’

Saray Hebreo 3:19

Kanyan nanenengneng tayo ya ag ira akaloob ed dalin ya insipay Dios, lapud ag ira anisia.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.