Saray Hebreo 13:5 - Maung A Balita Biblia

⁵ Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Maung a Balita Biblia

⁵ Nepeg ya aliwa kayon lupay kuarta, tan pasarag yoy walad sikayo. Ta inkuay Dios, Ag ta kan balut paolyan o taynan.

Saray Hebreo 13:5 Iomraidhean Croise

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 30:31

“Antoy upa ya iter kod sika?” tepet nen Laban. Inmebat si Jacob, “Anggapoy labay kon upa. Ituloy koy pangasikasok ed saray karniro yo no onabubon kayod sayan paknaan:

Genesis 31:5

Inkuantod sikara, “Nalilikas kon mangooman lay panangarod siak di ama tayo; balet aasikasoen ak lawas na Dios nen amak.

1 Saray Arari 6:13

Manayam ak ed pegley da ray totook ya Israelita diad sayan Timplo ya ipapaalagey mo, tan ag ko ran balut ikaindan.”

1 Saray Arari 8:57

Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Saray Salmo 119:36

Itdan mo ak pay pilalek a mangonur ed saray ganggan mo, aliwan say pilalek ya onyaman.

Saray Salmo 37:25

Aliwa ak lan ogaw; masiken ak la, balet ag ko ni akanengneng na toon matonung ya inkainday Katawan, odino mipapayabol na nakan iray anak to.

Saray Salmo 37:28

ta say Katawan inaro toy kaptekan, tan ag to ikakaindan iray matoor a totoo to. Iyaagel to ra lawas, balet saray kabyangay boleg na totoon maoges et napagit ira.

Exodo 2:21

Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Exodo 20:17

“Ag mo iibegan so abung na kaparam a too; ag mo iibegan so asawa to, saray aripen to, saray baka to, saray asno to, odino antokaman a kayaryan to.”

Probirbio 23:4

Makabat ka no ag ka mankekesaw na alabas ed pampapayaman mo.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Mateo 6:19

“Ag kayo mantitipon na kayamanan diad dalin para sikayon dili, ta nayarin deralen na bokbok tan lati, o natakew ni.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Lucas 3:14

Wala met iray sondalon nantepet, “Sikami met ey? Antoy nepeg min gawaen?” Inmebat ed sikara, “Ag kayo mimialay kuartad siopaman diad pamasoot o pangakusad sikato. Pasarag yoy suildo yo.”

Lucas 8:14

Saramay ilik a dinmapod kasabitan aliling day totoon ondedengel, balet dederalen ira na saray gunigon, kayamanan, tan minumundon likeliket na panagbilay, kanyan ag ontatakken iray bunga ra.

Saray Taga Roma 1:29

Napno ra na amin a kaogsan, kaambagelan, kinaagom tan maibobosul a kaisipan; napno ray imon tan maoges iran getma; maliket irad panagpatey, panagkolkol, tan panagsaol. Managtalabotob ira,

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

1 CORINTO 6:10

saray matakew, saray managlames, saray buanges, saray managpabaing, tan saray maagom—anggapod sarayan totoo so makatawir ed Panarian na Dios.

2 CORINTO 4:9

Dakel iray mamapasegsegang ed sikami, balet ag kami nanaandiay kaaro; tutumbaen da kami no maminsan, balet ag kami nalalausan.

TAGA-EFESO 5:3

Lapud totoo ki lay Dios, ag nepeg ya anggan nabitla labat ed pegley yo so pikakaloguran, kabandayan, o inkaagom.

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

1 Timoteo 3:3

Nakaukolan met ya aliwan buanges, aliwan maigaganon mangabil, no ag ingen maoyamo, labay toy mareen a bilay, tan aliwan lupay kuarta.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.”

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

1 Samuel 10:7

No nagawa ra ya, gawam so antokaman a pagawad sika na Dios.

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.