Saray Hebreo 13:21 - Maung A Balita Biblia

²¹ Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Maung a Balita Biblia

²¹ Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Saray Hebreo 13:21 Iomraidhean Croise

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.”

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Juan 17:23

Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.

Juan 7:17

Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Saray Taga Roma 11:36

Ta pinalsa toy amin a bengatla, mambibilay ira diad panamegley to, tan mansusumpal iran amin ed sikato. Nagalang komun ed ando lan ando so Dios! Amen.

Saray Taga Roma 16:27

Nagalang komun ed ando lan ando, diad panamegley nen Jesu-Cristo, so bukor toy makabat a Dios! Amen.

2 CORINTO 9:8

Say Dios nayarian to kayon itday masolusoluk nen say nakaukolan yo, pian wala lawas so onkanad sikayo tan wala niy nayarian yon iter ya onkanad amin a maung a pamaakaran.

TAGA GALACIA 1:5

Say Dios so nagalang komun lawas ya anggad angga! Amen.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

TAGA-EFESO 2:18

Lapud si Cristo, Judio man o Hintil itayo, makaasingger tin amin ed Ama diad panamegley na sakey ya Ispiritu.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

FILIPOS 1:11

Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.

FILIPOS 2:11

Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

COLOSAS 3:20

Sikayo ran anak, toluk kayo lawas ed saray atateng yo, ta makapaliket ya ed Katawan.

COLOSAS 4:12

Papaibanoan met so sakey nin kabyangay moyung yo, si Epafras a managlingkur nen Cristo Jesus. Masimoon ton ipipikasi lawas a magmaliw kayo komun a mabiskeg, tan ayadyari ya anggapoy panduaruwaan ed panangonur na linaway Dios.

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

1 TESALONICA 4:3

Say linawa na Dios et say pambilay yon masanto tan say iyarawi yod inmoralidad.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

2 TESALONICA 2:17

et pabiskegen to komuy linawa yo tan pasekderen to kayon manggawa tan mansalita na amin a kamaungan.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

2 Timoteo 3:17

pian say toon manlingkur ed Dios et magmaliw a manepenepeg tan sipaparaan a manggaway amin a kamaungan.

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

Saray Hebreo 10:36

Nakaukolan a mananos kayo, pian nasumpal yoy linaway Dios tan naawat yoy insipan to.

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

1 Pedro 4:2

Kanyan manlapud natan ya anggad arapen a panaon, pampelengan yo lan onurey linaway Dios, aliwan saray maoges a pilalek na laman.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

1 Juan 2:17

Say mundo tan amin a bengatlan maoges a pampipilalekan na too et naandipat ira; balet say toon manggagaway linaway Dios mansiansia ya anggad angga.

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.

Judas 1:25

diad saksakey a Dios a Manangilaban tayo diad panamegley nen Jesu-Cristo a Katawan tayo, so kawalaan komuy kagalangan, katageyan, pakayari, tan pakaoley, manlapud gapoy gapo, natan, tan anggad angga! Amen.

Puyan 4:6

Diad arap na trono, walay singa salming a dayat a kaparparay linew na kristal. Akaliber ed trono, diad balang dapag to, so apatiran mabilay a pinalsa a napnoy mata so arap tan beneg da.

Puyan 5:13

Nadngel kon amin iray pinalsan walad tawen, dalin, dalem na dalin, tan diad dayat—amin a pinalsad intiron mundo—tan inkuanda, “Naitdan komun ya anggad angga so akayorung ed trono tan say Kordiro na bindision, dayew, galang, tan pakayari!”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.