Saray Hebreo 13:20 - Maung A Balita Biblia

²⁰ Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Maung a Balita Biblia

²⁰ Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Hebreo 13:20 Iomraidhean Croise

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

1 Saray Awaran 16:17

Say Katawan akisipanan ed kinen Jacob, say andi-anggaan ya impisipanan tod kinen Israel.

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Saray Salmo 23:1

Say Katawan so managpastol ed siak; amin a nakakaukolan ko walad siak.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Exodo 24:8

Insan inala nen Moises imay dala a walad saray palanggana tan insisibo tod saray totoo. Inkuanto, “Sikato yay dala a mamaelet na impisipanan na Katawan ed sikayo nen inter tod sikayo ra yan amin a ganggan.”

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Ezekiel 37:26

Misipanan ak ed sikara; sayan sipanan so kaletan diad pambilay dan arawid kaatapan diad ando lan ando. Iletneg ko ra tan parakelen koy bilang da, tan magnayon a panalageyen kod dalin da so Timplok.

Zacarias 9:11

Say Katawan kuanto, “Lapud impisipanan kod sika samay sipanan a pinaletan na dala da ray bagat, ibolus ko ray totoom naagwat irad anggapoy danum a bobun na inkibantak ed arum a bansa.

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

Marcos 14:24

Inkuanen Jesus ed sikara, “Sikato yay dalak a mamaneknek ed impisipanay Dios, say dalak ya onterter para saray amayamay a totoo.

Lucas 22:20

Ontan met a kayari ran nandem, inter tod sikaray kupa a kuanto, “Sayan kupa sikatoy balon impisipanay Dios a paneknekay dalak ya onterter para sikayo.

Juan 10:11

“Siak so maung a pastol. Say maung a pastol isaklang toy bilay to para saray karniro.

Juan 10:14

Siak so maung a pastol. Kabat ko ray karnirok tan kabat da ak,

Saray Gawgawa 13:30

Balet say Dios pinaoli tod bilay,

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Gawgawa 2:24

Balet say Dios pinaoli tod bilay tan imbolus tod kairapan na patey, ta ag nayarin oleyan na pakayariy patey.

Saray Gawgawa 2:32

Sayan Jesus pinaolid bilay na Dios, tan tasi kamin amin ed sayan agawa.

Saray Gawgawa 3:15

Kanyan pinatey yoy Manamalsay bilay, balet say Dios pinaoli tod bilay; sikami ray tasi ed sayan agawa.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 5:30

Say Dios da ray lalaki tayo so amaolid bilay ed kinen Jesus, kayari yon pinatey diad impangipasak yod sikato ed krus.

Saray Taga Roma 1:4

no nipaakar ed masanton inka-Dios to, nipaamta a sikatoy Anak na Dios diad panamegley na makapanyarin gawa, a salanti say inkioli tod bilay.

Saray Taga Roma 10:7

Ag mo met anggan ibabaga, “Siopay onlad dalem na dalin?” (salanti, pian naaon si Cristo manlapud saray inaatey).

Saray Taga Roma 15:33

Walad sikayon amin komuy Dios a panlalapway kareenan tayo. Amen.

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Saray Taga Roma 8:11

No manayam ed sikayo so Ispiritu na Dios ya amaolid bilay ed kinen Jesus, say Dios ya amaolid Cristo so mangiter met na bilay ed saray ompatey a laman yo, diad panamegley na Ispiritu a manaayam ed sikayo.

1 CORINTO 14:33

Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

1 CORINTO 15:15

Sakey ni no ontan, ompaway ya aliwa kamin tuan tasi na Dios. Ta pinaneknekan min say Dios pinaoli tod bilay si Cristo, balet ompaway ya aliwa yan tua no talagan ag naolid bilay iray inaatey.

1 CORINTO 6:14

Say Dios pinaoli tod bilay so Katawan, ontan met a paolien to itayo diad panamegley na pakayari to.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

2 CORINTO 4:14

Ta amta min say Dios ya amaolid bilay ed Katawan a Jesus so mamaolid bilay ed sikami a kaiba nen Jesus, tan mangyakar ed sikami tan sikayo ed kawalaan to.

TAGA GALACIA 1:1

Sayan sulat nanlapud kinen Pablo a say inkaapostol to et ag nanlapud too o diad panamegley na too, no ag ingen diad panamegley nen Jesu-Cristo tan say Dios Ama ya amaolid bilay ed sikato.

TAGA-EFESO 1:20

ya impamaoli tod bilay ed Cristo, tan impamayorung tod sikato ed nikawanay Dios diad katawenan.

FILIPOS 4:9

Gawa yo ray bengatla onung na naaral, naawat, nadngel tan anengneng yod siak. Diad ontan, niwalad sikayoy Dios a manangiter na kareenan.

COLOSAS 2:12

Ta nen abinyagan kayo, nipompon kayon kaiba nen Cristo tan inmoli kayod bilay a kaiba to, lapud pananisia yod pakayariy Dios, ya amaolid bilay ed Cristo.

1 TESALONICA 1:10

Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Saray Hebreo 9:20

Legan to yan gagawaen inkuanto, “Sikato yay dala a mamaneknek ed sipanan ya ingganggan na Dios ya onuren yo.”

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

1 Pedro 2:25

Nen saman singa kayo saray karniron abalbalang, balet natan akapawil ki lan ontotombuk ed Pastol tan Managasikaso na kamarerwa yo.

1 Pedro 5:4

Et no onsabiy Pangulon Pastol, awaten yoy koronan ag onkupas so kagalangan to.