Saray Hebreo 13:2 - Maung A Balita Biblia

² Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Maung a Balita Biblia

² Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Saray Hebreo 13:2 Iomraidhean Croise

Genesis 18:1

Pinmanengneng so Katawan ed kinen Abraham diad saray masanton kiew nen Mamre. Manyodyorung si Abraham ed puirtay tulda to nen kapetapetangay agew;

Genesis 19:1

Nen sinmabid saman a labi ed Sodoma ira may duaran anghil, manyodyorung si Lot ed puirtay siudad. Kanengneng tod sikara, inmalagey tan inabet to ra. Dinmakmomo ya anggad dalin so lupa to

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

Say Libro nen Job 31:19

Nen walay amtak a mankaukolan ya ag makasaliw na kawes to lapud kairapan to,

Say Libro nen Job 31:32

Ag ko inabuloyan ya onogip ed saray dalan iray managbiahi, no ag ingen pinarawes ko rad abung ko.

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Mateo 25:35

Ta narasan ak et pinakan yo ak, napgaan ak et pinainom yo ak, sakey ak a sangkaili et pinatuloy yo ak ed abung yo.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Mateo 25:43

Sakey ak a sangkaili et ag yo ak pinatuloy ed abung yo. Anggapoy nisulong ko et ag yo ak initday kawes. Nansakit tan apriso ak et ag yo ak binisita.’

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

Saray Taga Roma 16:23

Ibabano ki met nen Gayo a pipupundoan ko tan diad abung toy pantitiponay intiron iglisia. Ontan met, ibabano kinen Erasto a tisoriroy siudad tan si agi tayon Cuarto.

1 Timoteo 3:2

Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

Tito 1:8

Nepeg ya amta toy manangkaili, maarod bengatlan maung, matonung, masanto, tan maadya.

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.

3 Juan 1:5

Pinablin kaaro, talagan matoor kad panaglingkur mod saray agagi, anggaman ya ag mo ra kabat.