Saray Hebreo 13:15 - Maung A Balita Biblia

¹⁵ Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Maung a Balita Biblia

¹⁵ Kanyan mangibagat tayo lawas na dayew ed Dios diad panamegley nen Jesusdayew a mangibawag na pamirbir tayod ngaran to.

Saray Hebreo 13:15 Iomraidhean Croise

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.

2 Saray Awaran 33:16

Inapiger to met so altar ya angigagalangan ed Katawan, insan angisaklang diman na saray bagat a para kareenan tan saray bagat a pangiter na pisasalamat. Ingganggan to ray amin a totood Juda a panlingkuran day Katawan a Dios na Israel.

2 Saray Awaran 7:6

Nanalagey iray papari ed angipasenan ed sikara tan nanalagey met iray Levita a sankaarap da ra. Saray Levita indadayew day Katawan diad impantotogtog dad saray kagawaan na musika ya inter nen Ari David tan kinakanta ra may imno, “Andi-anggaan so Panangaro to!” onung na ingganggan nen David ed sikara. Pinaknul na saramay papari iray trumpita tan nanalagey iray totoo.

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Nehemias 12:40

Kanyan saramay duaran grupo a mangiiter na pisasalamat ed Dios et sinmabi rad pasen a kawalaay Timplo. Likud ed saray pangulo a kaibak,

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

Saray Salmo 118:19

Ilokas yon para siak iray puirta na Timplo; onloob ak tan misalamat ak ed Katawan!

Saray Salmo 119:108

Awat mo pay iiter kon pisasalamat ed sika, Katawan, tan ibangat mo pad siak iray ganggan mo.

Saray Salmo 18:49

Kanyan idadayew ta ka diad pegley da ray bansa; kakantaan ta ka na panangidayew.

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 33:18

tan wala lawas iray paparin kabyangay tribu nen Levi a manlingkur ed siak tan mangisaklang na saray bagat a popoolan, saray bagat a trigo tan saray nandoroman bagat.”

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Lucas 10:21

Diad saman ya oras, si Jesus pinagayagay Ispiritu Santo. Inkuanen Jesus, “Misalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw. On, Ama, agawa ya ta sikatoy nilabay mo.

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

TAGA-EFESO 2:18

Lapud si Cristo, Judio man o Hintil itayo, makaasingger tin amin ed Ama diad panamegley na sakey ya Ispiritu.

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.