Saray Hebreo 12:3 - Maung A Balita Biblia

³ Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Maung a Balita Biblia

³ Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Saray Hebreo 12:3 Iomraidhean Croise

Probirbio 24:10

No makapoy ka no panaon na kairapan, peteg a makapoy ka.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Mateo 11:19

Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Mateo 12:24

Balet nen nadngel ya na saray Pariseo inkuanda, “Napapaekal to ray dimonyo lapud si Beelzebul a prinsipi na saray dimonyo et initdan toy pakayari.”

Mateo 15:2

“Akin et ag oonuren na saray disipulom so bangat ya impabangon da ray lalaki tayo? Ag ira manooras na lima ra kasakbayan da a mangan, onung ed ganggan!”

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, “Antoy pankatonungan mon manggawad saraya? Siopay angiter ed sika yan pankatonungan?”

Mateo 21:46

Kanyan erelen da lawari, balet antakot irad saray totoo lapud ipapasen dan sakey a propita si Jesus.

Mateo 22:15

Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Lucas 14:1

Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Lucas 15:2

Balet ngoro-ngoro ray Pariseo tan saray iskriba tan inkuanda, “Sayan too aawaten to ray makasalanan tan mimikan nid sikara!”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Lucas 5:21

Saramay Pariseo tan saramay iskriba inkuandad kanunotan da, “Siopa yan too et sumpad Dios so sasalitaen to? Siopay makapirdona na kasalanan no ag say Dios labat?”

Juan 10:20

Dakel ed sikaray angibaga, “Inaponay dimonyo! Ambagel! Akit dedengelen yo?”

Juan 18:22

Kapangibaga nen Jesus ed saya, tinampal na sakey ed saray guardian wadman. “Akin et ontay kakaebat mod Pangulon Pari?” tinepet to.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Juan 7:12

Dakel so iyeesaes na saray totoon nipaakar ed sikato. “Maung a too,” kuan na saray arum, balet wala ray mangibabaga, “Andi, ta ibabalang to ray totoo.”

Juan 8:13

Inkuan na saray Pariseo ed sikato, “Tatasian moy laman mon dili. Aliwan tua tay ibabagam.”

Juan 8:52

Inkuan da ray Judio ed sikato, “Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, ‘Say mangonur na salitak ag balut ompatey.’

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Juan 9:40

Nadngel na pigaran Pariseo si Jesus nen imbaga to ya, kanyan tinepet dad sikato, “Say labay mon ibaga, bulag kami met sirin?”

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 CORINTO 4:16

Lapud saya, ag kamin balut nanaekalay biskeg na linawa. Anggaman ya onkakapoy so laman mi, ombibiskeg ya inagew-agew so ispiritu mi.

TAGA GALACIA 6:9

Kanyan ag itayo onsasawan manggaway kamaungan; ta no ag tayo onsawa, andi-saew a manani tayo no onsabi lay panagani.

Deuteronomio 20:3

‘Lalaki na Israel, dengel kayo! Natad sayan agew onla kayon mibakal. Ag kayo ontatakot ed saray kalaban yo, ag yo papakapoyey linawa yo, tan ag kayo natataranta.

2 TESALONICA 3:13

Balet sikayo ran agagi, ag kayo onsasawan manggaway kaabigan.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 12:5

Alingwanan yo la sirin imay imbilin na Dios ed sikayon anak to, saramay salitan makapabiskeg na linawa yo? “Anak ko, ag mo mumurmuraen so panusa ed sika na Katawan, tan no pampasnukan to ka, ag mo pakakapoyey linawam.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

Puyan 2:3

Amtak met a maanos ka, nanirap kan maung lapud siak, tan ag kinmapoy so linawam.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.