Saray Hebreo 12:27 - Maung A Balita Biblia

²⁷ Saray salitan “maminsan ni” labay dan ibaga a nayegyeg tan naekal iray bengatlan pinalsa, pian ag naekal iray bengatlan ag nayegyeg.

Maung a Balita Biblia

²⁷ Saray salitan maminsan ni labay dan ibaga a nayegyeg tan naekal iray bengatlan pinalsa, pian ag naekal iray bengatlan ag nayegyeg.

Saray Hebreo 12:27 Iomraidhean Croise

Isaias 34:4

Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Isaias 65:17

Say Katawan kuanto, “Mamalsa ak na balon mundo tan balon katawenan. Sigput a nalingwanan iray agawgawa ed imbeneg a panaon.

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.

Aggeo 2:21

“Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Mateo 24:35

Naandipat so tawen tan dalin, balet ag balut naandipat iray salitak.”

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.

Saray Taga Roma 8:21

ya amin a pinalsa et nibolus ed inkaaripen dad kaboboluk, tan minabang irad maliket tan bolus a kipapasen da ray anak na Dios.

1 CORINTO 7:31

saray manliliket ed saray minumundon bengatla, a singa anggapoy walawala ra yad sikara. Ta naandipat ya amin iray wala natan ed sayan mundo.

Saray Hebreo 1:10

Inkuanto ni, “Sika, Katawan, pinalsam nen gapoy gapo so sankamundoan, tan saray dilin limam so nanggawad katawenan.

Saray Hebreo 13:14

Ta anggapo diad mundo so siudad tayo a mansiansia; balet say aanapen tayo say siudad ya onsabi.

Saray Hebreo 9:11

Balet sinmabi lay Cristo a Pangulon Pari na saray maung a bengatlan wadya la ra. Lalon matalonggaring tan lalon nagnap niy panlilingkuran ton tulda ya ag ginaway too, labay ton ibaga, aliwan kabyangan na sayan mundon pinalsa.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 21:1

Kasumpal to ya, anengneng koy sakey a balon tawen tan sakey a balon dalin. Ta naandipat lay onaan a tawen tan say onaan a dalin; naandipat met lay dayat.

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.”

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”