Saray Hebreo 12:21 - Maung A Balita Biblia

²¹ Makapataktakot a nengnengen, kanyan inkuanen Moises, “Natatakot ak a maung, tan manggiwgiw ak!”

Maung a Balita Biblia

²¹ Makapataktakot a nengnengen, kanyan inkuanen Moises, Natatakot ak a maung, tan manggiwgiw ak!

Saray Hebreo 12:21 Iomraidhean Croise

Saray Salmo 119:120

Lapud sika natatakot ak; lapud saray sintinsiam natatakot ak.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Exodo 19:19

Kinmasil lan kinmasil so tanul na trumpita. Nansalitay Moises, et inmebat ed sikato so Dios diad panamegley na karul.

Daniel 10:17

Singa ak aripen ya akaalagey ed arap na amo to. Panoy pakapitongtong kod sika? Anggapo lay nakdaan a biskeg odino ingas ko.”

Daniel 10:8

Bukbukor koy atilak diman, a bambantayan ko man a makapakelaw a pasingayew. Anggapoy nakdaan a biskeg ko, tan naoman so nengneng na lupak, kanyan anggapoy makabirbir ed siak.

Deuteronomio 9:19

Antakot ak ed samay mapalalon pasnuk na Katawan, ta lapud mapalalon pasnuk to, akaparaan lan mamatey ed sikayo; balet dinengel to ak ni lamet.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.