Saray Hebreo 12:13 - Maung A Balita Biblia

¹³ Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

Maung a Balita Biblia

¹³ Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

Saray Hebreo 12:13 Iomraidhean Croise

Isaias 35:3

Itdan yo na biskeg iray naksawan a lima tan saray pueg a mankalog ed kapoy da.

Isaias 35:6

Manlukson singa ulsa iray piley, tan mankantad liket iray emel. Onagos iray kolus ed kalawakan;

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 58:12

Pasimbaloen ya ipaalagey na saray totoo yo iray abayag lan aderal-deral ya ayaman yo, ipaalagey da ra lamet ed saray daan a pundasion. Natawag kayo a totoon angipaalagey lamet ed saray ageba tan saray aderal-deral ya abung.”

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Lucas 3:5

Nakaukolan a natabunan iray abeban pasen tan napalanas iray nipokdul tan nipalandey a pasen. Nakaukolan a napetek iray malikon daladalan, tan napatar iray matibagkul a daladalan.

TAGA GALACIA 2:14

Nen anengneng kon ag ira mambibilay na maptek onung ed katwaan na Maung a Balita, inkuankod kinen Pedro diad arap dan amin, “No sika, anta Judio ka et mambibilay kan singa Hintil, ya aliwan singa kabibilay na Judio, panon mon napasoot iray Hintil a mambilay a singa saray Judio?”

TAGA GALACIA 6:1

Agagi, no walad sikayoy naplag ed kasalanan, sikayon iwawanwan na Ispiritu so mangagwat ed sikato. Maamuyot a gawaen yo ya, tan manasikaso kayon maung, ta ompan sikayoy natukso met.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.