Saray Hebreo 12:11 - Maung A Balita Biblia

¹¹ Diad oras na kadusa tayo, singa ti ya panermenan, aliwan panliketan. Balet kasumpal to, saray apetek na saman a dusa anien day kareenan a bungay matonung a panagbilay.

Maung a Balita Biblia

¹¹ Diad oras na kadusa tayo, singa ti ya panermenan, aliwan panliketan. Balet kasumpal to, saray apetek na saman a dusa anien day kareenan a bungay matonung a panagbilay.

Saray Hebreo 12:11 Iomraidhean Croise

Genesis 21:11

Lapud saya agunigon na baleg si Abraham, ta anak to met si Ismael.

Saray Salmo 118:18

Mapalaloy impanusay Katawan ed siak, balet ag to ak inabuloyan ya ompatey.

Saray Salmo 119:165

Walay nagnap a kareenan da ray mangaarod ganggan mo, tan anggapoy bengatlan makatumbad sikara.

Saray Salmo 89:32

dusaen ko ra lapud saray kasalanan da; panirapen ko ra lapud saray kaogsan da.

Probirbio 15:10

No aliwa so gawaen mo mapalaloy kadusam; ompatey ka no ag mo labay so papetek.

Probirbio 19:18

Petek mo ray anak mo no ogogaw ni ra, legan a nayarian da niy ibangat. No andi, tutulongan mo ran maneral ed sikaran dili.

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Saray Hebreo 12:10

Dinudusa itayon agano na saray mangaraldalin ya ama tayo, ta inisip dan kamaungan ya. Balet dudusaen itayoy Dios para kamaungan ti lamlamang, pian minabang tayod kasantosan to.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

1 Pedro 1:6

Nepeg yo yan panliketan, anggaman a nayarin nakaukolan ni a manermen kayon magano lapud saray nandoroman subsubok na bilay.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!