Saray Hebreo 11:9 - Maung A Balita Biblia

⁹ Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.

Maung a Balita Biblia

⁹ Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.

Saray Hebreo 11:9 Iomraidhean Croise

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

Genesis 13:18

Inyalis nen Abram so tulda to ed abay na saray masanton kiew ed Mamre diad Hebron tan nanayam diman. Nanggawad man met na altar a para Katawan.

Genesis 13:3

Tinmaynan lamet diman tan nanalis-alis so nankampoan to ya anggad akasabid Betel. Insan asabi to may pasen a nanleetan na Betel tan Ai a nanayaman to nen saman

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Genesis 18:6

Linmoob a tampol si Abraham ed tulda tan inkuantod Sara, “Ganatan mo, mangala kay sankaabigan ya arina, tan manggawa kay tinapay.”

Genesis 18:9

Tinepet dad sikato, “Kawalaan nen asawam a Sara?” “Wadyad dalem na tulda,” ebat to.

Genesis 21:34

Abayag a nanayam ed Filistia si Abraham.

Genesis 23:4

“Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Genesis 25:27

Binmaleg ira may ogogaw. Nagmaliw a marunong ya umaanup si Esau tan maliket ya ompaway-paway ed kalawakan; mareen balet si Jacob tan maliket a manayam ed abung.

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

Genesis 31:25

Nanayam si Jacob ed kapokdulan, balet si Laban tan saray kakanayon to et nankampo rad kapokdulan na Galaad.

Genesis 35:27

Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac.

Genesis 36:7

Tinmaynan lapud kulang lay taganon niiter na dalin a panaayaman da nen Jacob; dakerakel iray ayayep da, kanyan ag la ra nayarin manayam ed sakey a pasen.

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

Saray Salmo 105:12

Pigpigara nen saman iray totoo na Dios, tan sangkaili rad dalin na Canaan.

Jeremias 35:7

Imbaga to met ed sikami ya ag kami mangipaalagey na saray abung odino ondalus ed dalin, tan ag kami mantanem ed kaubasan odino saliwen ira. Ingganggan to kamin manayam lawas ed saray tulda, pian mansiansia kamin singa sangkaili ed sayan dalin a panaayaman mi.

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.