Saray Hebreo 11:6 - Maung A Balita Biblia

⁶ Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

Maung a Balita Biblia

⁶ Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

Saray Hebreo 11:6 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Say Libro nen Job 21:14

Saray totoon maoges ibaga rad Dios a paolyan to ran bukbukor; ag da labay ya amtaen so linawa tod bilay da.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Saray Salmo 78:22

ta ag ira nanmatalek ed sikato tan ag ira anisia ya ilaban to ra.

Saray Salmo 78:32

Anggaman a wala ra yan agawa intuloy na saray totoo so nankasalanan; anggaman a wala ray milagron ginagawa to ag ira anisia.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Probirbio 8:17

Inarok iray mangaarod siak; narumog ak na saray maseet a manaanap ed siak.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 7:9

Aliwan mabiskeg so Israel nen say Samaria a manonan baley to, tan say Samaria aliwan mabiskeg nen si Ari Peca. “No aliwan malet so pananisiam, ag ka makapansiansia.”

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Saray Bilang 14:11

Say Katawan kuantod kinen Moises, “Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Saray Bilang 20:12

Balet nanpasnukan na Katawan ira di Moises tan Aaron. Inkuanto, “Lapud kulang so pananisia yon mamirbir na masanton pakayarik diad arap na saray totood Israel, aliwan sikayoy mangipangulod sikara diad iloob dad dalin ya insipan kon iter ed sikara.”

Mateo 11:26

On, Ama, agawa ya ta sikatoy nilabay mo.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Mateo 6:16

“No manayuno kayo, ag yo aaligen iray mansimpisimpitan a totoo. Liberliber iran nengneng day maermen tan narasan, pian naamtaay totoon manaayuno ra. Tandaan yo ya! Naawat da lay tumang da.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Mateo 6:5

“No mampikasi kayo, ag kayo mialalig ed saray mansimpisimpitan a totoo. Labalabay day akaalagey a mampikasi diad saray sinagoga tan suysuyok na dalan, pian nanengneng iray amin a totoo. Tandaan yo ya! Naawat da lay tumang da.

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Lucas 12:31

Sikayo, balet, anap yon onona so Panarian na Dios, et iter tod sikayoy amin a nakaukolan yo.”

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

Saray Taga Roma 10:14

Balet panoy itawag dad sikato, no ag da panisiaan? Panoy panisia rad sikato, no ag da ni narerengel so paliwawan nipaakar ed sikato? Panon met a makarengel ira, no anggapoy managpulong?

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Saray Hebreo 11:26

Pinabli to niy manirap na kababaingan, lapud Cristo, nen saray kayamanan na Egipto, ta impasakey to ray mata to ed tumang ya onsabi.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Saray Hebreo 4:2

Ta nadngel ti met a singa sikara so Maung a Balita. Nadngel dan tua, balet anggapoy kamaungan ya inter tod sikara lapud ag da sinisia.

Saray Hebreo 4:6

Saray akaonan akadngel na Maung a Balita et ag ira akapampainawa, lapud ag ira anisia. Balet wala ray makapampainawa,

Saray Hebreo 7:19

Ta say Ganggan nen Moises anggapoy nagawaan ton nagnap. Balet magmaung so balon ilalo a sinmabid sikatayo ta, diad panamegley na sayan ilalo, onasingger tayod Dios.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

2 Pedro 1:10

Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

2 Pedro 1:5

Makasengeg ed saya, gawa yoy anggaay nayarian yon mangyarum na kaabigan ed pananisia yo, kakabatan ed kaabigan yo,

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”