Saray Hebreo 11:4 - Maung A Balita Biblia

⁴ Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Maung a Balita Biblia

⁴ Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Saray Hebreo 11:4 Iomraidhean Croise

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Genesis 4:15

Balet inmebat so Katawan, “Andi! No walay mamatey ed sika, pitoran totoo so pateyen a pinagkabales to.” Kanyan minarkaan na Katawan si Cain a pamasakbay ton ag pateyen na siopaman a makabet ed sikato.

Genesis 4:25

Inakdulan nen Adan so asawa to, et nananak na sakey a laki ya inngaran to na Set. Inkuan na asawa to, “Initdan ak na Dios na anak ya onsalat ed kinen Abel a pinatey nen Cain.”

Genesis 4:8

Insan inkuanen Cain ed kinen agi ton Abel, “Mamasyar ta ed kaalogan.” Nen wadman la ra, tinekmelan nen Cain si agi to tan pinatey to.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

Say Libro nen Job 8:10

Balet abuloyan mon ibangat ka na saray makabat a totoo nen saman a panaon; dengel kad ibabaga ra,

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Lucas 11:51

Ginmapod impamatey dad kinen Abel ya anggad impamatey dad kinen Zacarias diad nanleetay altar tan say Masanton Pasen. On, kuankod sikayo, napelag ed saray totood sayan panaon so dusa na agawad saraman a propita!

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Saray Hebreo 11:2

Lapud pananisia, saray totoo nen inmona ran panaon nala ray maung a linawa na Dios.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Saray Hebreo 5:1

Balang Pangulon Pari et apilid saray totoo tan niganan mangilaman ed sikara diad panlingkur ed Dios. Mangyapay na saray saklang tan saray bagat lapud saray kasalanan.

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.

2 Pedro 2:8

Ta saman a matonung a too et agunigon a maung nen naimatunan toy ontan lan kaogsan diad inagew-agew ya impilimuglimug tod sikara.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.