Saray Hebreo 11:12 - Maung A Balita Biblia

¹² Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.

Maung a Balita Biblia

¹² Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.

Saray Hebreo 11:12 Iomraidhean Croise

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 32:12

Ag mo pa lilingwanan ya insipan mon ag mo ak paolyan pian maung so pansumpalan ko; insipan mo met ya itdan mo ak na saray kabyangay boleg ko a diad kinarakel da et ag ira nabilang, ta singa kinarakel na buer ed gilig na dayat so bilang da.”

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

1 Saray Arari 4:20

Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

1 Saray Awaran 27:23

Ag impabilang nen Ari David iray totoon onleksab ed duamplo so taon da, lapud samay sipan na Katawan a parakelen ton singa bitewen ed tawen iray totood Israel.

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Isaias 10:22

Anggaman a natan et singa karakel na buer ed dayat so karakel na totood Israel, dagdaiset ed sikara so ompawil. Akaparaan lay kaderal na saray totood Israel, tan nagawa ya onung ed katonungan.

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”

Jeremias 33:22

Parakelen ko ray kabyangay boleg nen aripen kon David tan saray managlingkur kon papari a kabyangay tribu nen Levi. Ag ira nabilang ed satan a singa ag pakabilang ed saray bitewen ed tawen odino saray buer ed gilig na dayat.”

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Habacuc 1:9

“Onsusulong iray sondalo ra a manduksa tan mandakep ira; natatakot so balang too no onsasabi la ra. Singa karakel na buer so karakel na adakep da.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Josue 11:4

Sinmabi ran kaiba da ray amin a sondalo ra, a singa ra karakel na buer ed gilig na dayat. Wala met iray amayamay a kabayo tan karwahi ra.

Puyan 20:8

Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

1 Samuel 12:5

Inmebat si Samuel, “Say Katawan tan say pinili ton ari, sikaray tasik ed sayan agew ya anggapoy nalmoan yon kasalanan ko.” “On, say Katawan so tasi mi,” ebat da.